Қазақстан Республикасы Әділет министрінің кейбір бұйрықтарына өзгерістер енгізу туралы
Қазақстан Республикасы Әділет министрінің 2009 жылғы 11 ақпандағы № 12 Бұйрығы
ҚР Әділет министрінің 2010 жылғы 30 наурыздағы № 91 Бұйрығымен күші жойылды
«Әділет органдары туралы» Қазақстан Республикасы Заңының 7-бабының 2-тармағы 3) тармақшасын басшылыққа ала отырып, БҰЙЫРАМЫН:
1. Осы бұйрыққа қосымшаға сәйкес Қазақстан Республикасы Әділет министрінің кейбір бұйрықтарына өзгерістер енгізілсін.
2. Осы бұйрықтың орындалуын бақылау Қазақстан Республикасы Әділет министрлігінің жауапты хатшысына жүктелсін.
3. Осы бұйрық алғаш ресми жарияланған күннен кейін он күнтізбелік күн өткен соң қолданысқа енгізіледі.
Қазақстан Республикасы
Әділет министрінің
2009 жылғы 11 ақпандағы
№ 12 бұйрығына қосымша
Қазақстан Республикасы Әділет министрінің кейбір бұйрықтарына енгізілетін өзгерістердің тізбесі
Қазақстан Республикасы Әділет министрінің бұйрықтарына мынадай өзгерістер енгізілсін:
1. «Халыққа қызмет көрсету орталықтары арқылы мемлекеттік қызмет көрсетудің стандарттарын бекіту туралы» Қазақстан Республикасы Әділет министрінің 2007 жылғы 12 қазандағы № 286 бұйрығына (Нормативтік құқықтық кесімдерді мемлекеттік тіркеудің тізіліміне № 5019 болып енгізілді, Қазақстан Республикасының орталық, атқарушылық және өзге де мемлекеттік органдардың нормативтік құқықтық актілерінің бюллетенінде жарияланған, 2007 ж., № 13, 70-құжат.):
көрсетілген бұйрыққа 1, 2, 3 қосымшалардың 7-тармағының 2) тармақшаларында:
«40 минуттан аспайды» деген сөздер «30 минуттан аспайды» деген сөздермен ауыстырылсын.
