Көлiк құралдарын ерiксiз тоқтатуға «Кiрпi» арнайы құрылғысын
қолдану тәртібінiң нұсқамасын бекіту туралы Қазақстан Республикасы
Iшкi iстер министрлігі 1996 жылғы 13 тамыздағы № 265 бұйрығы
Осы редакция 2009 жылғы 9 қаңтарда енгізілген өзгерістеріне дейін қолданылды
Көлiк құралдарын ерiксiз тоқтатуды қамтамасыз ету мақсатында бұйырамын:
1. 1996 жылдың 1-шi тамызынан бастап көлiк құралдарын ерiксiз тоқтататын «Кiрпi» арнайы құрылғысын қолдану тәртібінiң нұсқамасы iске асырылсын және бекітілсiн (қоса берiлiп отыр).
2. Алматы қалалық IIББ-ның, Байқоңыр қалалық және облыстық IIБ-ларының бастықтары Мемлекеттік автоинспекция бөлiмшелерiнiң жеке құрамдарында көрсетiлген нұсқаманы оқытып, iс жүзiнде сабақ өткізу арқылы сынақ алсын.
3. ҚР IIМ ҚАЖ (қылмыстық атқару жүйесiнiң) Бас басқармасы (ж. Х.Х.Валиевке) ҚР IIМ МАИ Бас басқармасымен келісілген ҚР ӘАЖ (әскери және арнайы жабдықтау) Бас басқармасының өтiнiшi бойынша жыл сайын «Кiрпi» арнайы құрылғысын дайындауды ескерсiн.
4. ҚР IIМ ӘАЖ (әскери және арнайы жабдықтау) Бас басқармасы (ж. О.А.Молозинге) «Кiрпi» арнайы құрылғысын жасау үшiн белгiленген тәртiп бойынша керектi жабдықтар бөлудi қарастырсын.
5. 1983 жылғы 31 мамырдағы ССРО IIМ-нiң № 0146 "Көлiк құралдарын ерiксiз тоқтатуға арналған «Кiрпi» арнайы құрылғысын қолдану тәртібі туралы" бұйрығының күшi жойылды деп есептелсiн.
Қазақстан Республикасы
Iшкi iстер министрi
iшкi әскерлер қолбасшысы
генерал-лейтенант
Қазақстан Республикасы IIМ
1996 жылғы 13 тамыздағы
