Қазіргі заманғы инфрақұрылымды дамыту жоспарын бекіту туралы
Қазақстан Республикасы Үкіметінің 2007 жылғы 12 қазандағы № 932 Қаулысы
Осы редакция 2009 жылғы 20 шілдеде енгізілген өзгерістеріне дейін қолданылды
«Қазақстанның 2030 жылға дейінгі Даму стратегиясын одан әрі іске асыру жөніндегі шаралар туралы» Қазақстан Республикасы Президентінің 2007 жылғы 6 сәуірдегі № 310 Жарлығын іске асыру мақсатында Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Қазіргі заманғы инфрақұрылымды дамыту жоспары (бұдан әрі - Жоспар) бекітілсін.
2. Жоспардың орындалуына жауапты Қазақстан Республикасының орталық және жергілікті атқарушы органдары, өзге де мемлекеттік органдары:
1) Жоспарда көзделген іс-шаралардың уақтылы орындалуын қамтамасыз етсін;
2) жарты жылдықтың қорытындылары бойынша жылына екі рет 15 қаңтарға және 15 шілдеге Қазақстан Республикасы Экономика және бюджеттік жоспарлау министрлігіне Жоспардың орындалу барысы туралы ақпарат ұсынсын.
3. Қазақстан Республикасы Экономика және бюджеттік жоспарлау министрлігі жарты жылдықтың қорытындылары бойынша жылына екі рет 30 қаңтарға және 30 шілдеге Қазақстан Республикасының Үкіметіне Жоспардың орындалу барысы туралы жиынтық ақпарат ұсынсын.
4. Осы қаулы қол қойылған күнінен бастап қолданысқа енгізіледі.
| Қазақстан Республикасының Премьер-Министрі | К. Мәсімов |
Қазақстан Республикасы
Үкіметінің
2007 жылғы 12 қазандағы
№ 932 қаулысымен
бекітілген
Қазіргі заманғы инфрақұрылымды дамыту жоспары
| Р/с № | Іс шаралар | Аяқ-талу нысаны | Орындауға (іске асыруға) жауаптылар | Орындау (іске асыру) мерзімі | Болжамды шы- ғыстар (мың теңге) | Қаржыландыру көздері |
| 1 | 2 | 3 | 4 | 5 | 6 | 7 |
| 1. | Қазіргі заманғы инфрақұры- лымды, оның ішінде прог- рессивті технологиялар мен материалдарды дамытудың әлемдік үрдістерін талдау | Қазақстан Республикасының Үкіметіне ақпарат | ЭБЖМ (жинақтау), ККМ, АБА, ЭМРМ, АШМ, ИСМ, «Самғау» холдингі» АҚ | Жыл сайын 30 қаңтар 30 маусым | Талап етілмейді | |
