"Қазақстан Республикасы тау-кен-металлургия кешенінің 1999-2003 жылдары
тұрақты қызметі мен стратегиялық басымдықтарының дамуын ғылыми-техникалық
қамтамасыз ету" республикалық мақсатты ғылыми-техникалық бағдарламасының
негізгі тапсырмалары мен көрсеткіштерін бекіту туралы Қазақстан
Республикасы Үкіметінің 1999 ж. 8 қаңтардағы № 15 қаулысы
(ҚР Үкіметінің 20.05.03 ж. № 462 қаулысымен енгізілген өзгерістерімен)
Осы редакция 2009 жылғы 19 қыркүйекте енгізілген өзгерістеріне дейін қолданылды
Бұрынғы ред. қара
Қазақстан Республикасының Үкіметі қаулы етеді:
1. "Қазақстан Республикасы тау-кен-металлургия кешенінің 1999-2003 жылдары тұрақты жұмыс істеуі мен стратегиялық басымдықтарын дамытуды ғылыми-техникалық қамтамасыз ету" қоса беріліп отырған республикалық мақсатты ғылыми-техникалық бағдарламасының негізгі тапсырмалары мен көрсеткіштері бекітілсін.
ҚР Үкіметінің 20.05.03 ж. № 462 қаулысымен 2-тармақ өзгертілді (бұрынғы ред. қара)
2. Қазақстан Республикасының Бiлiм және ғылым министрлігі Қазақстан Республикасының Энергетика, индустрия және сауда министрлігімен бірлесіп белгіленген тәртіппен негізгі тапсырмалары мен көрсеткіштеріне сай бағдарламаның кеңейтілген нұсқасын әзірлеп, бекітсін, бағдарламаны ғылымды қаржыландыруға көзделген мемлекеттік бюджет қаражаты есебінен мақсатты түрде қаржыландыруды қамтамасыз етсін.
3. Қазақстан Республикасы Министрлер Кабинетінің "Республикалық мақсатты ғылыми-техникалық бағдарламалар туралы" 1993 жылғы 26 мамырдағы № 434 қаулысына мынадай толықтыру енгізілсін:
аталған қаулымен бекітілген Республикалық ғылыми-техникалық бағдарламалардың тізбесі мынадай мазмұндағы 12-тармақпен толықтырылсын:
"12. Қазақстан Республикасы тау-кен-металлургия" кешенінің 1999-2003 жылдары тұрақты қызметі мен стратегиялық басымдықтарының дамуын ғылыми-техникалық қамтамасыз ету"
4. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Қазақстан Республикасы
Үкіметінің 1999 жылғы
8 қаңтардағы
№ 15 қаулысымен
бекітілген
