Тауарды шығарған елді айқындау жөніндегі сарапшы-аудиторлар қызметтерін жүзеге асыру ережесін бекіту туралы
Қазақстан Республикасы Индустрия және сауда министрінің 2009 жылғы 29 қазандағы № 291 Бұйрығы
ҚР Индустрия және жаңа технологиялар министрінің м.а. 2012 жылғы 28 желтоқсандағы № 497 бұйрығымен күші жойылды
«Техникалық реттеу туралы» Қазақстан Республикасының заңы 16-1-бабының 7-тармағына сәйкес БҰЙЫРАМЫН:
1. Қоса берілген Тауарды шығарған елді айқындау жөніндегі сарапшы-аудиторлар қызметтерін жүзеге асыру ережесін бекітілсін.
2. Қазақстан Республикасы Индустрия және сауда министрлігінің Техникалық реттеу және метрология комитеті:
1) осы бұйрықты Қазақстан Республикасының Әділет министрлігінде белгіленген тәртіппен мемлекеттік тіркеуді қамтамасыз етсін;
2) мемлекеттік тіркеуден кейін Қазақстан Республикасының заңнамасында белгіленген тәртіппен бұқаралық ақпарат құралдарында ресми жариялануын қамтамасыз етсін.
3. Осы бұйрықты бақылау Қазақстан Республикасы Индустрия және сауда вице-министрі Е.С. Есқалиевке жүктелсін.
4. Осы бұйрық оның бірінші ресми жарияланған күнінен он күнтізбелік күн өткеннен кейін күшіне енеді.
Қазақстан Республикасы
Индустрия және сауда министрінің
2009 жылғы 29 қазандағы № 291
бұйрығымен бекітілген
Тауар шығарылған елді анықтау жөніндегі сарапшы-аудиторлар қызметін жүзеге асыру ережесі
1. Жалпы ереже
1. Осы Тауар шығарылған елді анықтау жөніндегі сарапшы-аудиторлар қызметін жүзеге асыру ережесі (бұдан әрі - Ереже) «Техникалық реттеу туралы» 2004 жылғы 9 қарашадағы Қазақстан Республикасының Заңына сәйкес әзірленді.
2. Осы Ереже:
1) тауар шығарылған елді анықтау жөніндегі сарапшы-аудиторларға;
2) тауардың шығу тегі туралы сертификатты алуға мүдделі жеке және заңды тұлғаларға қолданылады.
3. Осы Ережеде мынадай ұғымдар қолданылады:
өтініш беруші - тауардың шығу тегі туралы сертификатты алуға мүдделі жеке немесе заңды тұлға;
