«Қазақстан Республикасында дене шынықтыру және спортты дамытудың
2007-2011 жылдарға арналған мемлекеттік бағдарламасын іске асыру
жөніндегі 2007-2009 жылдарға арналған іс-шаралар жоспарын бекіту туралы»
Қазақстан Республикасы Үкіметінің 2007 жылғы 19 наурыздағы № 209 Қаулысы
Осы редакция 2009 жылғы 10 қарашада енгізілген өзгерістеріне дейін қолданылды
«Қазақстан Республикасында дене шынықтыру және спортты дамытудың 2007-2011 жылдарға арналған мемлекеттік бағдарламасы туралы» Қазақстан Республикасы Президентінің 2006 жылғы 28 желтоқсандағы № 230 Жарлығын іске асыру мақсатында Қазақстан Республикасының Үкіметі қаулы етедi:
1. Қоса беріліп отырған Қазақстан Республикасында дене шынықтыру және спортты дамытудың 2007-2011 жылдарға арналған мемлекеттік бағдарламасын іске асыру жөніндегі 2007-2009 жылдарға арналған іс-шаралар жоспары (бұдан әрі - Жоспар) бекітілсін.
2. Жоспарды орындауға жауапты орталық және жергілікті атқарушы органдар мен мүдделі ұйымдар:
1) Жоспардың тиісінше және уақтылы орындалуын қамтамасыз етсін;
2) жылына екі рет 10 қаңтарға және 10 шілдеге қарай Қазақстан Республикасы Туризм және спорт министрлігіне Жоспардың орындалу барысы туралы ақпарат ұсынсын.
3. Қазақстан Республикасы Туризм және спорт министрлігі жылына екі рет 25 қаңтарға және 25 шілдеге қарай Қазақстан Республикасының Үкіметіне Жоспардың орындалу барысы туралы жиынтық ақпарат ұсынсын.
4. Осы қаулының орындалуын бақылау Қазақстан Республикасы Туризм және спорт министрлігіне жүктелсін.
5. Осы қаулы қол қойылған күнінен бастап қолданысқа енгізіледі.
Қазақстан Республикасының
| Премьер-Министрi | К. Мәсімов |
Қазақстан Республикасы
Үкіметінің
