Техникалық және кәсіптік білім беру мәселелері бойынша Қазақстан Республикасы Білім және ғылым министрлігінің оқу-әдістемелік кеңесі туралы
Қазақстан Республикасы Білім және ғылым министрінің 2009жылғы 4 маусымдағы № 270 бұйрығы
ҚР Білім және ғылым министрінің 2018 жылғы 5 қыркүйектегі № 445 бұйрығымен күші жойылды
Техникалық және кәсіптік білім беру жүйесін дамыту, нормативтік, оқу-әдістемелік базаны жетілдіру, алдыңғы қатарлы педагогикалық тәжірибені тарату және пысықтау мақсатында БҰЙЫРАМЫН:
Қоса беріліп отырған:
1) Техникалық және кәсіптік білім беру мәселелері бойынша Қазақстан Республикасы Білім және ғылым министрлігінің оқу-әдістемелік кеңесі туралы ереже;
2) оқу-әдістемелік кеңес құрамы бекітілсін.
2. «Бастауыш және орта кәсіптік білім беру мәселелері бойынша Қазақстан Республикасы Білім және ғылым министрлігінің оқу-әдістемелік кеңесі туралы ережені бекіту туралы» Қазақстан Республикасы Білім және ғылым министрлігінің 2002 жылғы 8 сәуірдегі № 282 бұйрығының күші жойылсын.
3.Осы бұйрықтың орындалуын бақылау Жауапты хатшы Ф.Ш. Қуанғановқа жүктелсін.
Қазақстан Республикасы
Білім және ғылым министрінің
2009 жылғы 4 маусымдағы
№ 270 бұйрығымен бекітілген
Техникалық және кәсіптік, орта білімнен кейінгі білім беру
мәселелері бойынша Қазақстан Республикасы Білім және ғылым
министрлігінің оқу-әдістемелік кеңесі туралы
ЕРЕЖЕ
1. Техникалық және кәсіптік білім беру мәселелері бойынша Қазақстан Республикасы Білім және ғылым министрлігінің оқу-әдістемелік кеңесі (бұдан әрі - ОӘК) консультативті-кеңесші орган болып табылады.
