Салық есептiлiгiн жасауды ережесін бекіту туралы
Қазақстан Республикасы Қаржы министрінің 2008 жылгы 25 желтоқсандағы № 611 бұйрығы
(2009.15.12. берілген өзгерістер мен толықтырулармен)
Осы редакция 2009 жылғы 24 желтоқсанда енгізілген өзгерістеріне дейін қолданылды
«Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 63-бабына сәйкес бұйырамын:
1. Қоса беріліп отырған Салық есептілігін жасау ережесі бекітілсін.
2. Осы бұйрыққа қосымшаға сәйкес кейбір бұйрықтардың күшi жойылды деп танылсын.
3. Қазақстан Республикасы Қаржы министрлігінің Салық комитеті (Ергожин Д.Е.) осы бұйрықты Қазақстан Республикасының Әділет министрлігінде мемлекеттік тіркеуді қамтамасыз етсін.
4. Осы бұйрық ресми жариялануға тиіс және 2009 жылдың 1 қаңтарынан бастап қолданысқа енгiзiледi.
Қазақстан Республикасы
Қаржы министрінің
2008 жылгы 25 желтоқсандағы № 611
бұйрығына қосымша
Кейбір күші жойылған бұйрықтардың тізбесі
1. «Электрондық мониторингке жататын салық төлеушілермен салық есептілігін толтыру және ұсыну Ережесін бекіту туралы» Қазақстан Республикасы Қаржы министрлігі Салық комитеті Төрағасының 2004 жылғы 9 сәуірдегі № 165 бұйрығы (Нормативтiк құқықтық актiлер тізілімінде № 2822 болып тіркелген).
