Қазақстан Республикасы Үкіметінің 2004 жылғы 30 шілдедегі № 810 қаулысына өзгеріс енгізу туралы
Қазақстан Республикасы Үкіметінің 2010 жылғы 15 сәуірдегі № 311 Қаулысы
«Экономиканың стратегиялық маңызы бар салаларындағы меншіктің мемлекеттік мониторингі туралы» Қазақстан Республикасының 2003 жылғы 4 қарашадағы Заңының 13-бабының 1-1) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. «Экономиканың стратегиялық маңызы бар салаларының өздеріне қатысты меншіктің мемлекеттік мониторингі жүзеге асырылатын объектілерінің тізбесін бекіту туралы» Қазақстан Республикасы Үкіметінің 2004 жылғы 30 шілдедегі № 810 қаулысына (Қазақстан Республикасының ПҮАЖ-ы, 2004 ж., № 28, 377-құжат) мынадай өзгеріс енгізілсін:
көрсетілген қаулымен бекітілген экономиканың стратегиялық маңызы бар салаларының өздеріне қатысты меншіктің мемлекеттік мониторингі жүзеге асырылатын объектілерінің тізбесі осы қаулыға қосымшаға сәйкес жаңа редакцияда жазылсын.
2. Осы қаулы қол қойылған күнінен бастап қолданысқа енгізіледі.
| Қазақстан Республикасының Премьер-Министрі | Мәсімов |
Қазақстан Республикасы
Үкіметінің
2010 жылғы 15 сәуірдегі
№ 311 қаулысына
қосымша
Қазақстан Республикасы
Үкіметінің
2004 жылғы 30 шілдедегі
№ 810 қаулысымен
бекітілген
Экономиканың стратегиялық маңызы бар салаларының өздеріне қатысты меншіктің мемлекеттік мониторингі
жүзеге асырылатын объектілерінің
тізбесі
| Р/с № | Атауы | Іріктеу өлшемдері |
| 1 | 2 | 3 |
| 1. Отын-энергетикалық пайдалы қазбаларды (көмірді, мұнайды, газды, уранды) және металл кеніштерін өндіру және қайта өңдеу |
| 1 | «Қазақстан алюминийі» АҚ | «Табиғи және техногендік сипаттағы төтенше жағдайлар туралы» Қазақстан Республикасының 1996 жылғы 5 шілдедегі Заңына сәйкес, Қазақстан Республикасы Үкіметінің 2001 жылғы 20 қаңтардағы № 89 қаулысымен бекітілген қызметінде төтенше жағдайлар туындау қатері жоғары ұйымдардың тізбесінде есепте. |
