Атырау облысы бойынша облыстық маңызы бар автомобиль жолдарының бөлінген белдеулерінде сыртқы (көрнекі) жарнаманы орналастырғаны үшін төлемақы ставкаларын бекіту туралы
Атырау облыстық мәслихатының 2010 жылғы 31 наурыздағы № 318-IV шешімі
Атырау облыстық мәслихатының 2014 жылғы 6 наурыздағы № 231-V шешімімен күші жойылды
Қазақстан Республикасының 2008 жылғы 10 желтоқсандағы № 99-ІV «Салық және бюджетке төленетін басқа да міндетті төлемдер туралы» (Салық кодексі) Кодексінің 530 бабына сәйкес, ІV шақырылған облыстық мәслихат кезекті ХХІ сессиясында ШЕШТІ:
1. Атырау облысы бойынша облыстық маңызы бар автомобиль жолдарының белдеулерінде сыртқы (көрнекі) жарнаманы орналастырғаны үшін төлемақы ставкалары осы шешімнің 1, 2 қосымшаға сәйкес бекітілсін.
2. Осы шешім мемлекеттік тіркеуден өткізілген күнінен бастап күшіне енеді.
3. Осы шешім алғаш ресми жарияланғаннан кейін он күнтізбелік күн өткен соң қолданысқа енгізіледі.
4. Осы шешімнің орындалуына бақылау жасау облыстық мәслихаттың бюджет, қаржы, экономика, кәсіпкерлікті дамыту, аграрлық мәселелер және экология жөніндегі тұрақты комиссиясына (М. Шырдабаев) жүктелсін.
5. Атырау облыстық мәслихатының 2008 жылғы 23 шілдедегі № 112-ІV «Атырау облысы бойынша облыстық маңызы бар автомобиль жолдарының бөлінген белдеулерінде сыртқы (көрнекі) жарнаманы орналастырғаны үшін төлемақыларды бекіту туралы» (нормативтік құқықтық актілердің мемлекеттік тіркеу тізілімінде № 2532 рет санымен тіркелген, 2008 жылы 30 тамызда «Атырау» газетінде № 103 жарияланған) шешімінің күші жойылды деп танылсын.
Облыстық мәслихаттың ХХІ сессиясының төрағасы | Е. Дүйсемалиев |
Облыстық мәслихат хатшысы | Ж. Дүйсенғалиев |
Атырау облыстық мәслихатының
2010 жылғы 31 наурыздағы
№ 318-ІV шешіміне 1 қосымша
Мынадай жерлерде орналастырылатын жарнама объектілері бойынша ай сайынғы базалық төлемақы ставкалары:
