Қазақстан Республикасының Бірыңғай бюджеттік сыныптамасын жасау ережесін бекіту туралы
Қазақстан Республикасы Қаржы министрінің 2010 жылғы 6 мамырдағы № 214 Бұйрығы
(2012.20.07. берілген өзгерістер мен толықтырулармен)
ҚР Экономика және бюджеттік жоспарлау министрінің 2013 жылғы 13 наурыздағы № 72 бұйрығымен күші жойылды
2008 жылғы 4 желтоқсандағы Қазақстан Республикасы Бюджет кодексінің 26-бабының 3-тармағына сәйкес БҰЙЫРАМЫН:
1. Қоса беріліп отырған Қазақстан Республикасының Бірыңғай бюджеттік сыныптамасын жасау ережесі бекітілсін.
2. Күші жойылды деп танылсын:
1) «Қазақстан Республикасының Бірыңғай бюджеттік сыныптамасын жасау ережесін бекіту туралы» Қазақстан Республикасы Экономика және бюджеттік жоспарлау министрі м.а. 2008 жылғы 22 желтоқсандағы № 264 бұйрығы (Нормативтік құқықтық актілерді мемлекеттік тіркеу тізілімінде № 5437 болып тіркелген);
2) «Қазақстан Республикасының Бірыңғай бюджеттік сыныптамасын жасау ережесін бекіту туралы» Қазақстан Республикасы Экономика және бюджеттік жоспарлау министрінің 2008 жылғы 22 желтоқсандағы № 264 бұйрығына толықтыру енгізу туралы» Қазақстан Республикасы Экономика және бюджеттік жоспарлау министрінің 2009 жылғы 24 қаңтардағы № 5-П бұйрығы (Нормативтік құқықтық актілерді мемлекеттік тіркеу тізілімінде № 5522 тіркелген).
3. Бюджеттік процесс әдіснамасы департаменті (А. Қалиева) осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін.
4. Осы бұйрық Қазақстан Республикасы Әділет министрлігінде мемлекеттік тіркелген күнінен бастап күшіне енеді.
Қазақстан Республикасы
Экономика және бюджеттік
жоспарлау министрінің
2010 жылғы 6 мамырдағы
№ 214 бұйрығымен бекітілген
Қазақстан Республикасының Бірыңғай бюджеттік сыныптамасын жасау
ережесi
1. Осы Қазақстан Республикасының Бірыңғай бюджеттік сыныптамасын жасау ережесі (бұдан әрі - Ереже) Қазақстан Республикасының Бірыңғай бюджеттік сыныптамасын жасаудың құрылымы мен тәртібін айқындайды.
1-бөлім. Жалпы ережелер
1-тарау. Қазақстан Республикасының Бірыңғай бюджеттік сыныптамасының құрылымы
