Сақтандыру резервтерін қалыптастыруға, есептеу әдiстемесiне және олардың құрылымына қойылатын талаптарды, сақтандыру резервтері жөніндегі есептілікті беру нысандарын және мерзімін бекіту туралы
Қазақстан Республикасының Қаржы нарығын және қаржы ұйымдарын реттеу мен қадағалау жөніндегі агенттігі Басқармасының 2010 жылғы 30 сәуірдегі № 61 қаулысы
ҚР Ұлттық Банкі Басқармасының 2014 жылғы 6 мамырдағы № 76 Қаулысымен күші жойылды
«Сақтандыру қызметі туралы» Қазақстан Республикасының 2000 жылғы 18 желтоқсандағы Заңын іске асыру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы ҚАУЛЫ ЕТЕДІ:
1.Мыналар бекітілсін:
1) осы қаулының 1-қосымшасына сәйкес Сақтандыру резервтерін қалыптастыруға, есептеу әдістемесіне және олардың құрылымына қойылатын талаптар (бұдан әрі - Талаптар);
2) осы қаулының 2-қосымшасына сәйкес сақтандыру резервтері жөніндегі есептіліктің нысандары.
2. Сақтандыру (қайта сақтандыру) ұйымдары үшін есепті айдан кейін келетін айдың бесінші жұмыс күні Астана қаласының уақыты бойынша сағат 18.00-ден кешіктірмей, ұсынылған деректердің түзетілмеуін қамтамасыз ететін Microsoft Office Excel форматында электронды тасымалдауышта ақпаратты Агенттікке:
тоқсан сайын осы қаулының 3, 4, 5-қосымшаларына сәйкес;
ай сайын осы қаулының 2-қосымшасына сәйкес ұсыну белгіленсін.
3. Осы қаулы 2011 жылғы 1 қаңтардан бастап қолданысқа енгізіледі.
4. Осы қаулының 6-қосымшасына сәйкес нормативтік құқықтық актілердің күші жойылды деп танылсын.
5. Сақтандыру нарығының субъектілерін және басқа қаржы ұйымдарын қадағалау департаменті (Д.Ш.Қарақұлова):
1) Заң департаментiмен (Н.В. Сәрсенова) бірлесіп, осы қаулыны Қазақстан Республикасының Әдiлет министрлiгiнде мемлекеттiк тiркеу шараларын қолға алсын;
