Қазақстан Республикасы Әділет Министрлігі ҚАЖ Комитетінің түзеу
мекемелері қызметкерлерінің арнайы құралдарды қолдану тәртібі туралы Нұсқаулықты бекіту туралы
Қазақстан Республикасының Әділет министрінің 2001 жылғы 11 желтоқсандағы № 146 бұйрығы
(2009.29.06. берілген өзгерістер мен толықтыруларымен)
Осы редакция 2010 жылғы 27 қыркүйекте енгізілген өзгерістеріне дейін қолданылды
Қазақстан Республикасы Әділет Министрлігі ҚАЖ Комитетінің түзеу мекемелері қызметін жетілдіру мен қылмыстық-атқару заңнамасын жүзеге асыру мақсатында БҰЙЫРАМЫН:
1. Қазақстан Республикасы Әділет Министрлігі ҚАЖ Комитетінің түзеу мекемелері қызметкерлерінің арнайы құралдарды қолдану тәртібі туралы қоса берілген Нұсқаулық бекітілсін.
2. Осы бұйрықтың орындалуы Қазақстан Республикасы Әділет Министрлігінің ҚАЖ Комитетінің төрағасына жүктелсін.
3. Бұйрық 2002 жылғы 1 қаңтардан бастап іске енеді.
Министр
«КЕЛІСІЛГЕН»
| Қазақстан Республикасы | | | | Қазақстан Республикасы |
| Бас прокуратурасы | | | | Әділет Министрлігі |
| 2001 ж. 19 желтоқсан | | | | 2001 ж. 11 желтоқсан |
Қазақстан Республикасы Әділет Министрлігі
ҚАЖ Комитетінің түзеу мекемелері қызметкерлерінің арнайы
құралдарды қолдану тәртібі туралы
Нұсқаулық
1. Жалпы ережелер
1. Қазақстан Республикасы Әділет Министрлігі ҚАЖ Комитетінің түзеу мекемелері қызметкерлерінің арнайы құралдарды қолдану тәртібі туралы Нұсқаулық (бұдан әрі - Нұсқаулық) тәртіп сақтау және сотталғандарды бақылау қызметін атқару кезінде түзеу мекемелерінің жеке құрамы тәртіп бұзушылықтарының алдын кесу және сотталғандардың құқығы мен заңды мүдделерін қорғау, түзеу мекемелері қызметкерлері мен әкімшіліктің қауіпсіздігін қамтамасыз ету мақсатында арнайы құралдарды қолдану тәртібін анықтайды.
2. Басқа құралдар түрлері бұзушыларға ескерту жасау үшін пайдаланылған, бірақ керекті нәтиже бермегенде ғана арнайы құралдар қолданылады.
