Сақтандыру (қайта сақтандыру) ұйымының аффилиирленген тұлғаларымен мәмілелер
туралы ақпаратты ұсыну нысандарын бекіту жөнінде
Қазақстан Республикасының Қаржы нарығын және қаржы ұйымдарын реттеу мен қадағалау жөніндегі агенттігі Басқармасының 2008 жылғы 28 қарашадағы № 183 Қаулысы
Осы редакция 2010 жылғы 3 қыркүйекте енгізілген өзгерістеріне дейін қолданылды
Осы қаулыға өзгерістер енгізу туралы ҚР ҚҚА Басқармасының 2010.29.03. № 50 қаулысын қара (2012 жылғы 1 қаңтардан бастап қолданысқа енгізіледі)
«Сақтандыру қызметі туралы» Қазақстан Республикасы Заңының 15-1-бабының 5-тармағына сәйкес Қазақстан Республикасы Қаржы нарығын және қаржы ұйымдарын реттеу мен қадағалау агенттігінің Басқармасы (бұдан әрі - уәкілетті орган) ҚАУЛЫ ЕТЕДІ:
1. Осы қаулының 1-қосымшасына сәйкес «Сақтандыру (қайта сақтандыру) ұйымының аффилиирленген тұлғаларымен мәмілелер туралы ақпарат» нысаны (бұдан әрі - нысан) бекітілсін.
2. Сақтандыру (қайта сақтандыру) ұйымдары ай сайын, есептіден кейінгі айдың оныншы жұмыс күнінен кешіктірмей уәкілетті органға берілетін деректердің құпиялылығын және түзетілмейтіндігін қамтамасыз ететін криптографиялық қорғаныс құралдарымен алынған ақпаратты жеткізудің кепілдік берілген көлік жүйесін пайдаланып, нысанды электронды тасымалдағышпен береді.
Уәкілетті органның талап етуі бойынша сақтандыру (қайта сақтандыру) ұйымдары сұрату алған күннен бастап екі жұмыс күнінен кешіктірмей нысанды қағаз тасымалдағышпен береді.
Электронды тасымалдағышпен берілетін деректердің қағаз тасымалдағыштағы деректермен дәлме-дәлдігін сақтандыру (қайта сақтандыру) ұйымының бірінші басшысы немесе оның орнындағы адам қамтамасыз етеді.
3. Осы қаулы Қазақстан Республикасының Әділет министрлігінде мемлекеттік тіркелген күннен бастап он төрт күн өткеннен кейін қолданысқа енгізіледі.
4. Сақтандыру нарығының субъектілерін және басқа қаржы ұйымдарын қадағалау департаменті (Қарақұлова Д.Ш):
