Қазақстанда әлемдік деңгейдегі мұнай-химия кешендерін қалыптастыру және қазақстандық
алғашқы мұнай-химия кешенін құру жөніндегі іс-шаралар жоспарын бекіту туралы
Қазақстан Республикасы Үкіметінің 2006 жылғы 13 қазандағы № 989 Қаулысы
Осы редакция 2010 жылғы 18 қазанда енгізілген өзгерістеріне дейін қолданылды
Қосылған құны жоғары экспорттық мұнай-химия өнімін шығара отырып, көмірсутек шикізатын терең өңдеу жөніндегі әлемдік деңгейдегі мұнай-химия кешендерін құру мақсатында Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Қазақстанда әлемдік деңгейдегі мұнай-химия кешендерін қалыптастыру және қазақстандық алғашқы мұнай-химия кешенін құру жөніндегі іс-шаралар жоспары (бұдан әрі - Жоспар) бекітілсін.
2. Қазақстан Республикасы Энергетика және минералдық ресурстар министрлігі, Қазақстан Республикасының өзге де орталық атқарушы органдары мен «Қазмұнайгаз» ұлттық компаниясы» акционерлік қоғамы Жоспардың іс-шараларының уақтылы және тиісінше орындалуын қамтамасыз етсін.
3. Осы қаулы қол қойылған күнінен бастап қолданысқа енгізіледі.
| Қазақстан Республикасының Премьер-Министрі | Д. Ахметов |
Қазақстан Республикасы Үкіметінің
2006 жылғы 13 қазандағы
№ 989 қаулысымен
Бекітілген
Қазақстанда әлемдік деңгейдегі мұнай-химия кешендерін
қалыптастыру және қазақстандық алғашқы мұнай-химия кешенін
құру жөніндегі іс-шаралар жоспары
| Р/с №№ | Іс-шаралар | Аяқталу нысаны | Орындалуына жауаптылар | Орындалу мерзімі | Болжамды шығыстар (млн. теңге) | Қаржыландыру көзі |
| 1 | 2 | 3 | 4 | 5 | 6 | 7 |
| 1. | Атырау облысында алғашқы біріктірілген мұнай-химия кешенін салу |
| 1. | Атырау облысында біріктірілген мұнай-химия кешенін салудың техника-экономикалық негіздемесін (ТЭН) әзірлеу | Техникалық-экономикалық негіздеме, Қазақстан Республикасының Үкіметіне ақпарат | ЭМРМ (жинақтау), «ҚМГ ҰК» АҚ, «ҚМГ БӨ»»АҚ, «КРІ» АҚ | 2006 жылғы қараша | 419,877 | «ҚМГ БӨ» АҚ-ның инвестициялық қаражаты |
