Қазақстан Республикасы Президентінің 2010 жылғы 27 қыркүйектегі № 1072 Жарлығын іске асыру жөніндегі шаралар туралы
Қазақстан Республикасы Үкіметінің 2010 жылғы 29 қазандағы № 1136 Қаулысы
(2025.27.06. берілген өзгерістерімен)
«Қазақстан Республикасының мемлекеттік бюджеті және Ұлттық Банкінің сметасы (бюджеті) есебінен қамтылған органдардың штат санын оңтайландыру жөніндегі шаралар туралы» Қазақстан Республикасы Президентінің 2010 жылғы 27 қыркүйектегі № 1072 Жарлығын іске асыру мақсатында Қазақстан Республикасының Үкіметі ҚАУЛЫ ЕТЕДІ:
1-тармақ 2010 жылғы 1 қарашадан бастап қолданысқа енгізілді
1. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер бекітілсін.
2. Қазақстан Республикасының орталық және жергілікті атқарушы органдары 2011 жылғы 15 қаңтарға дейін «Қазақстан Республикасының мемлекеттік бюджеті және Ұлттық Банкінің сметасы (бюджеті) есебінен қамтылған органдардың штат санын оңтайландыру жөніндегі шаралар туралы» Қазақстан Республикасы Президентінің 2010 жылғы 27 қыркүйектегі № 1072 Жарлығын және осы қаулының 1-тармағын іске асыру жөнінде қабылданған шаралар туралы Қазақстан Республикасы Экономикалық даму және сауда министрлігін хабардар етсін.
3. Облыстардың, Астана және Алматы қалаларының әкімдері жергілікті бюджеттерден қаржыландырылатын мемлекеттік мекемелерге функционалдық талдау өткізсін және кейіннен 2011 жылғы 1 мамырға дейін Қазақстан Республикасы Экономикалық даму және сауда министрлігіне жүргізілген жұмыс туралы ақпарат бере отырып, өткізілген талдау нәтижелері бойынша оларды оңтайландыруды жүргізсін.
4. Қазақстан Республикасы Экономикалық даму және сауда министрлігі:
2011 жылғы 1 сәуірге дейін осы қаулының 1-тармағына сәйкес штат санының лимиттері қысқартылған мемлекеттік мекемелерді қоспағанда, орталық атқарушы органдарға ведомстволық бағынысты мемлекеттік мекемелерге функционалдық талдау жүргізсін және Қазақстан Республикасының Үкіметіне оларды оңтайландыру жөнінде ұсыныстар енгізсін;
