«Қалпына келтіру емін көрсету және медициналық оңалту ережесін бекіту туралы» Қазақстан Республикасы Денсаулық сақтау министрінің 2009 жылғы 19 қазандағы № 542 бұйрығына толықтырулар мен өзгерістер енгізу туралы
Қазақстан Республикасы Денсаулық сақтау министрінің 2010 жылғы 9 желтоқсандағы № 954 Бұйрығы
ҚР Денсаулық сақтау министрінің 2012 жылғы 6 маусымдағы № 394 Бұйрығымен күші жойылды
«Тегін медициналық көмектің кепілдік берілген көлемін бекіту туралы» Қазақстан Республикасы Үкіметінің 2009 жылғы 15 желтоқсандағы № 2136 қаулысының 5-тармағының 4) тармақшасына сәйкес БҰЙЫРАМЫН:
1. «Қалпына келтіру емін көрсету және медициналық оңалту ережесін бекіту туралы» Қазақстан Республикасы Денсаулық сақтау министрінің 2009 жылғы 19 қазандағы № 542 бұйрығына (Нормативтік құқықтық актілердің мемлекеттік тіркеу тізілімінде 2009 жылғы 11 қарашада № 5853 тіркелген және «Заң газетінде» 2009 жылғы қарашада № 179 жарияланған) мынадай толықтырулар мен өзгерістер енгізілсін:
Бұйрықтың 1-тармағындағы «медициналық оңалту» деген сөздерден кейін «, оның ішінде балаларды медициналық оңалту» деген сөздермен және тыныс белгісімен толықтырылсын;
көрсетілген бұйрықпен бекітілген Ережеде:
атауындағы «медициналық оңалту» деген сөздерден кейін «, оның ішінде балаларды медициналық оңалту» деген сөздермен толықтырылсын
1-тармақ мынадай редакцияда жазылсын:
«1. Осы Ереже қалпына келтіру емін және медициналық оңалту, оның ішінде балаларды медициналық оңалту көмегін көрсету тәртібін және оны ұйымдастыруға қойылатын жалпы талаптарды айқындайды.»;
