Қазақстан Республикасы Денсаулық сақтау министрлігінің кейбір бұйрықтарының күші жойылды деп тану туралы
Қазақстан Республикасы Денсаулық сақтау министрінің 2012 жылғы 6 маусымдағы № 394 бұйрығы
«Нормативтік құқықтық актілер туралы» Қазақстан Республикасының 1998 жылғы 24 наурыздағы Заңының 21-1-бабының 2 және 8-тармақтарына сәйкес БҰЙЫРАМЫН:
1. Осы бұйрыққа қосымшаға сәйкес Қазақстан Республикасы Денсаулық сақтау министрлігінің кейбір бұйрықтарының күші жойылды деп танылсын.
2. Қазақстан Республикасы Денсаулық сақтау министрлігінін Заң қызметі және мемлекеттік сатып алу департаменті (Е.Р. Әмірғалиев) бір апталық мерзімде осы бұйрық күшіне енгеннен кейін Қазақстан Республикасы Әділет министрлігі мен ресми баспа басылымдарына бұйрықтың көшірмесін жолдасын.
3. Осы бұйрық қол қойылған күнінен бастап күшіне енеді.
Қазақстан Республикасы
Денсаулық сақтау министрінің
2012 жылғы 6 маусымдағы
№ 394 бұйрығына қосымша
Қазақстан Республикасы Денсаулық сақтау министрлігінің кейбір күші жойылған бұйрықтарының
тізбесі
1) «Жыныстық ұқсастыру бұзылуы бар адамдарды медидиналық куәландыру ережесі туралы» Қазақстан Республикасы Денсаулық сақтау министрінің 2003 жылғы 3 маусымдағы № 435 бұйрығы (Қазақстан Республикасы Әділет министрлігінде 2003 жылғы 26 маусымда № 2379 тіркелген);
2) «Қалпына келтіру емін көрсету және медициналық оңалту ережесін; бекіту туралы» Қазақстан Республикасы Денсаулық сақтау министрінің 2009 жылғы 19 қазандағы № 542 бұйрығы (Қазақстан Республикасының Нормативтік құқықтық актілерді мемлекеттік тіркеу тізілімінде 2009 жылғы 11 қарашада № 5853 тіркелген, «Заң газеті» 2009 жылғы 24 қараша, № 179 (1602) жарияланған);
