«Биоотын өндірісін және айналымын мемлекеттік реттеу туралы»
Қазақстан Республикасының 2010 жылғы 15 қарашадағы Заңын іске асыру жөніндегі шаралар туралы
Қазақстан Республикасы Премьер-Министрінің 2011 жылғы 23 ақпандағы № 28-ө Өкімі
1. Қоса беріліп отырған «Биоотын өндірісін және айналымын мемлекеттік реттеу туралы» Қазақстан Республикасының 2010 жылғы 15 қарашадағы Заңын іске асыру мақсатында қабылдануы қажет нормативтік құқықтық актілердің тізбесі (бұдан әрі - тізбе) бекітілсін.
2. Орындауға жауапты мемлекеттік органдар (келісім бойынша):
1) тізбеге сәйкес нормативтік құқықтық актілердің жобаларын әзірлесін және белгіленген тәртіппен Қазақстан Республикасының Үкіметіне енгізсін;
2) тізбеге сәйкес тиісті ведомстволық нормативтік құқықтық актілерді қабылдасын және қабылданған шаралар туралы Қазақстан Республикасының Үкіметін хабардар етсін.
Премьер-Министр | К. Мәсімов |
Қазақстан Республикасы
Премьер-Министрінің
2011 жылғы 23 ақпандағы
№ 28-ө өкімімен
бекітілген
«Биоотын өндірісін және айналымын мемлекеттік реттеу туралы» Қазақстан Республикасының 2010 жылғы 15 қарашадағы
Заңын іске асыру мақсатында қабылдануы қажет нормативтік құқықтық актілердің
тізбесі
р/с № | Нормативтік құқықтық актінің атауы | Актінің нысаны | Жауапты мемлекеттік орган | Енгізу мерзімі |
1 | 2 | 3 | 4 | 5 |
1. | Биоотын өндіретін зауыттарды салуға рұқсат беру қағидасын бекіту туралы | Қазақстан Республикасы Үкіметінің қаулысы | АШМ | 2011 жылғы ақпан |
2. | Биоотын өндірісі бойынша өндірістік қуаттардың шекті көлемдерін айқындау туралы | Қазақстан Республикасы Үкіметінің қаулысы | АШМ | 2011 жылғы ақпан |
3. | Биоотын өндірушілердің биоотын өндірісі саласындағы уәкілетті органға биоотын өндірісіне мониторингін жүзеге асыру үшін қажетті есептерінің нысандары мен оларды табыс ету қағидасын бекіту туралы | Қазақстан Республикасы Үкіметінің қаулысы | AШM | 2011 жылғы ақпан |
