«Жоғары және жоғары оқу орнынан кейінгі білім беру жүйесіндегі оқу-әдістемелік жұмысты жетілдіру жөніндегі шаралар туралы» Қазақстан Республикасы Білім және ғылым министрінің 2008 жылғы 16 маусымдағы № 353
бұйрығына өзгерістер мен толықтырулар енгізу туралы
Қазақстан Республикасы Білім және ғылым министрінің 2011 жылғы 14 қаңтардағы № 14 Бұйрығы
БҰЙЫРАМЫН:
1. «Жоғары және жоғары оқу орнынан кейінгі білім беру жүйесіндегі оқу-әдістемелік жұмысты жетілдіру жөніндегі шаралар туралы» Қазақстан Республикасы Білім және ғылым министрінің 2008 жылғы 16 маусымдағы № 353 бұйрығына мынадай өзгерістер мен толықтырулар енгізілсін:
1) жоғары және жоғары оқу орнынан кейінгі білім берудің Республикалық оқу-әдістемелік кеңесі туралы ереже қосымшаға сәйкес жаңа редакцияда жазылсын;
2) көрсетілген бұйрықпен бекітілген жоғары және жоғары оқу орнынан кейінгі білім берудің Республикалық оқу-әдістемелік кеңесінің құрамына:
Жоғары және жоғары оқу орнынан кейінгі білім департаментінің директоры - Өмірбаев Серік Мәуленұлы;
Жоғары және жоғары оқу орнынан кейінгі білім департаменті білім беру стандарттары мен бағдарламалары басқармасының бастығы - Көбенова Гүлзәт Ізбасарқызы;
Қазақстан Республикасы Денсаулық сақтау министрлігінің Ғылым және кадр ресурстары департаменті медициналық білім және ғылым басқармасының бастығы - Сыдықова Алма Әлібекқызы;
Білім және ғылым саласындағы бақылау комитеті төрағасының міндетін атқарушы - Байжұманов Мұхтар Қазыбекұлы;
Ғылым комитеті төрағасының орынбасары - Шаяхметов Саят Болатұлы;
Ұлттық тестілеу орталығы директоры - Әбдиев Қали Сейілбекұлы;
әл-Фараби атындағы Қазақ ұлттық университетінің ректоры - Мұтанов Ғалымқайыр Мұтанұлы;
Қазақстан Республикасы Денсаулық сақтау министрлігі Медициналық білім мен ғылымның инновациялық технологиялары республикалық орталығының директоры - Имашева Бағдат Сәкенқызы енгізілсін»;
