Диссертациялық кеңес туралы үлгі ережені бекіту туралы
Қазақстан Республикасы Білім және ғылым министрлігінің 2011 жылғы 31 наурыздағы № 126 бұйрығы
(2025.05.09. берілген өзгерістермен толықтырулармен)
ҚР Ғылым және жоғары білім министрінің 2024.14.06. № 294 бұйрығымен (2024 ж. 1 шілдеден бастап қолданысқа енгізілді) (бұр.ред.қара); ҚР Ғылым және жоғары білім министрінің м.а. 2024 жылғы 29 тамыздағы № 425 бұйрығымен (2024 ж. 16 қыркүйектен бастап қолданысқа енгізілді) (бұр.ред.қара) кіріспе жаңа редакцияда
«Ғылым және технологиялық саясат туралы» Қазақстан Республикасы Заңының 6-бабының 30) тармақшасына және «Қазақстан Республикасы Ғылым және жоғары білім министрлігінің кейбір мәселелері туралы» Қазақстан Республикасы Үкіметінің 2022 жылғы 19 тамыздағы № 580 қаулысымен бекiтiлген Қазақстан Республикасы Ғылым және жоғары білім министрлігі туралы ереженің 15-тармағының 118) тармақшасына сәйкес БҰЙЫРАМЫН:
1. Қоса беріліп отырған диссертациялық кеңес туралы үлгі ереже бекітілсін.
2. Білім және ғылым саласындағы бақылау комитеті (М.Ә.Бектемесов):
1) осы бұйрықтың белгіленген тәртіппен Қазақстан Республикасы Әділет министрлігінде мемлекеттік тіркелуін қамтамасыз етсін;
2) осы бұйрықты мемлекеттік тіркеуден өткеннен кейін бұқаралық ақпарат құралдарында жарияласын.
3. Осы бұйрыққа қосымшаға сәйкес Қазақстан Республикасы Білім және ғылым министрінің кейбір бұйрықтарының күші жойылды деп танылсын.
4. Осы бұйрықтың орындалуын бақылау Жауапты хатшы Б.С. Әбдірәсіловке жүктелсін.
5. Осы бұйрық алғаш рет ресми жарияланған күнінен бастап он күнтізбелік күн өткен соң қолданысқа енгізіледі.
Қазақстан Республикасы
Білім және ғылым Министрінің
2011 жылғы 31 наурыздағы
№126 бұйрығына қосымша
Қазақстан Республикасы Білім және ғылым министрінің кейбір күші жойылған бұйрықтарының
тізімі
