Ішкі су көлігіндегі кеме құжаттарын беру және жүргізу қағидаларын бекіту туралы
Қазақстан Республикасы Үкiметiнiң 2011 жылғы 8 шілдедегі № 781 Қаулысы
(2013.04.12. берілген өзгерістермен)
Қазақстан Республикасы Үкіметінің 2015 жылғы 10 тамыздағы № 622 Қаулысымен күші жойылды
«Ішкі су жолдарымен кеме қатынасын жүзеге асыратын кемелер үшін кеме құжаттарын беру және жүргізу қағидаларын бекіту туралы» Қазақстан Республикасы Инвестициялар және даму министрінің 2015 жылғы 27 наурыздағы № 357 бұйрығын қараңыз
ҚР Үкіметінің 2013.04.12. № 1315 Қаулысымен тақырыбы жаңа редакцияда (бұр.ред.қара)
«Ішкі су көлігі туралы» Қазақстан Республикасының 2004 жылғы 6 шілдедегі Заңының 23-бабының 1-тармағына сәйкес Қазақстан Республикасының Үкіметі ҚАУЛЫ ЕТЕДІ:
ҚР Үкіметінің 2013.04.12. № 1315 Қаулысымен 1-тармақ жаңа редакцияда (бұр.ред.қара)
1. Қоса беріліп отырған Ішкі су көлігіндегі кеме құжаттарын беру және жүргізу қағидалары бекітілсін.
2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.
| Қазақстан Республикасының Премьер-Министрі | К. Мәсімов |
Қазақстан Республикасы
Үкiметiнiң
2011 жылғы 8 шілдедегі № 781
қаулысымен
бекiтiлген
Ішкі су көлігіндегі кеме құжаттарын беру және жүргізу
қағидасы
1. Жалпы ережелер
1. Осы Ішкі су көлігіндегі кеме құжаттарын беру және жүргізу қағидасы (бұдан әрі - Қағида) «Ішкі су көлігі туралы» Қазақстан Республикасының 2004 жылғы 6 шілдедегі Заңының 23-бабының 1-тармағына сәйкес әзірленген және ішкі су жолдарымен кеме қатынасын жүзеге асыратын кемелерге кеме құжаттарын беру және жүргізу тәртібін белгілейді.
2. Кеме журналын беру және жүргізу тәртібі
ҚР Үкіметінің 2013.04.12. № 1315 Қаулысымен 2-тармақ жаңа редакцияда (бұр.ред.қара)
2. Кеме журналы Қазақстан Республикасының Мемлекеттік кеме тізілімінде немесе Жалға алынған шетелдік кемелер тізілімінде тіркелген өздігінен жүретін әрбір кемеде жүргізіледі.
