Қазақстан Республикасы Денсаулық сақтау министрінің Азаматтық қорғаныс және төтенше жағдайлар медициналық қызметі туралы ережесін бекіту туралы
Қазақстан Республикасы Денсаулық сақтау министрінің 2011 жылғы 15 шілдедегі № 462 бұйрығы
ҚР Денсаулық сақтау министрінің 2018.10.12. № 696 бұйрығымен күші жойылды
«Азаматтық қорғаныс туралы» Қазақстан Республикасының Заңының 17-бабына, Қазақстан Республикасының Төтенше жағдайлар министрінің 2011 жылғы 19 қаңтардағы № 12 бұйрығымен бекітілген Азаматтық қорғаныс және төтенше жағдайлар жөніндегі республикалық қызметі туралы ереженің 3-тармағына сәйкес БҰЙЫРАМЫН:
1. Қоса беріліп отырған Қазақстан Республикасы Денсаулық сақтау министрінің Азаматтық қорғаныс және төтенше жағдайлар медициналық қызметі туралы ережесі бекітілсін.
2. Осы бұйрықтың орындалуын бақылау Қазақстан Республикасының Денсаулық сақтау вице-министрі Е.А. Байжүнісовке жүктелсін.
3. Бұйрық қол қойылған күнінен бастап күшіне енеді.
Қазақстан Республикасының
Денсаулық сақтау министрінің
2011 жылғы 15 шілдедегі
№ 462 бұйрығымен
бекітілген
Қазақстан Республикасы Денсаулық сақтау министрлігінің Азаматтық қорғаныс және
төтенше жағдайлар медициналық қызметі туралы
ережесі
1. Жалпы ережелер
1. Қазақстан Республикасы Денсаулық сақтау министрлігінің Азаматтық қорғаныс және төтенше жағдайлар медициналық қызметі (бұдан әрі - Медициналық қызмет) «Азаматтық қорғаныс пен төтенше жағдайлар республикалық қызметтерінің тізбесін бекіту және оларды құру туралы» Қазақстан Республикасы Үкіметінің 2003 жылғы 5 желтоқсандағы № 1237 қаулысының 2-тармағына сәйкес құрылды.
