Сыртқы мемлекеттік қаржылық бақылауды жоспарлау және жүргізу кезінде қолданылатын тәуекелдерді басқарудың үлгі жүйесін бекіту туралы
Республикалық бюджеттің атқарылуын бақылау жөніндегі есеп комитетінің 2011 жылғы 31 тамыздағы № 3-НП нормативтік қаулысы
(2013.18.01. берілген өзгерістермен)
ҚР Республикалық бюджеттің атқарылуын бақылау жөніндегі есеп комитеті төрағасының 2015 жылғы 28 қарашадағы № 13-НҚ нормативтік қаулысымен күші жойылды
Қазақстан Республикасының Бюджет кодексінің 145-бабының 4-3-тармағына сәйкес Республикалық бюджеттің атқарылуын бақылау жөніндегі есеп комитеті ҚАУЛЫ ЕТЕДІ:
1. Қоса беріліп отырған Сыртқы мемлекеттік қаржылық бақылауды жоспарлау және жүргізу кезінде қолданылатын тәуекелдерді басқарудың үлгі жүйесі бекітілсін.
2. Республикалық бюджеттің атқарылуын бақылау жөніндегі есеп комитетінің аппарат басшысы Е.Қ. Сыздықов бір ай мерзімде Қазақстан Республикасының Әділет министрлігінде осы нормативтік қаулының мемлекеттік тіркелуін қамтамасыз етсін.
3. Осы нормативтік қаулы алғаш ресми жарияланған күнінен бастап қолданысқа енгізіледі.
Республикалық Бюджеттің атқарылуын бақылау жөніндегі есеп комитетінің 2013.18.01. № 1-НП Нормативтік Қаулысымен үлгі жүйесі жаңа редакцияда (бұр.ред.қара)
Республикалық бюджетінің
атқарылуын бақылау
жөніндегі есеп комитетінің
2011 жылғы 31 тамыздағы № 3-НП
нормативтік қаулысымен бекітілген
Сыртқы мемлекеттік қаржылық бақылауды жоспарлау және жүргізу
кезінде қолданылатын тәуекелдерді басқарудың
үлгі жүйесi
1. Негізгі ережелер
1. Осы сыртқы мемлекеттік қаржылық бақылауды жоспарлау және жүргізу кезінде қолданылатын тәуекелдерді басқарудың үлгі жүйесі (бұдан әрі - Үлгі жүйе) Қазақстан Республикасының Бюджет кодексінің 145-бабының 4-3-тармағына сәйкес әзірленді.
2. Үлгі ереженің негізгі мақсаты бақылаумен барынша қамту мақсатында тәуекелі жоғары, сондай-ақ тәуекелге неғұрлым бейім бақылау объектілерін анықтау болып табылады.
2. Негізгі ұғымдар
