Мемлекеттік мүліктің тізілімін жасау жөніндегі іс-шаралар жоспарын бекіту туралы
Қазақстан Республикасы Үкіметінің 2011 жылғы 30 қыркүйектегі № 1115 Қаулысы
«Мемлекеттік мүлік туралы» Қазақстан Республикасының 2011 жылғы 1 наурыздағы Заңының 220-бабының 2-тармағына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Мемлекеттік мүліктің тізілімін жасау жөніндегі іс-шаралар жоспары (бұдан әрі - Іс-шаралар жоспары) бекітілсін.
2. Қазақстан Республикасының Президентіне тікелей бағынатын және есеп беретін орталық және жергілікті атқарушы органдар, мемлекеттік органдар (келісім бойынша) Іс-шаралар жоспарын орындау жөнінде шаралар қабылдасын.
3. Қазақстан Республикасы Экономикалық даму және сауда министрлігі жыл сайын 2012 - 2014 жылғы 10 желтоқсаннан кешіктірмей Қазақстан Республикасының Үкіметіне Іс-шаралар жоспарының орындалу барысы туралы жиынтық ақпарат берсін.
4. Осы қаулының орындалуын бақылау Қазақстан Республикасы Қаржы министрлігіне жүктелсін.
5. Осы қаулы қол қойған күнінен бастап қолданысқа енгізіледі.
Қазақстан Республикасының Премьер-Министрі | К. Мәсімов |
Қазақстан Республикасы
Үкіметінің
2011 жылғы 30 қыркүйектегі
№ 1115 қаулысымен
бекітілген
Мемлекеттік мүліктің тізілімін жасау жөніндегі іс-шаралар жоспары
Р/с № | Іс-шаралар атауы | Аяқталу нысаны | Жауапты орындаушы | Орындалу мерзімі | Болжамды шығыстар | Қаржыландыру көздері |
1 | 2 | 3 | 4 | 5 | 6 | 7 |
1. Ұйымдастырушылық-техникалық іс-шаралар |
1 | Тізілімді жасау шеңберінде салалық АД-ің өзара іс-қимылы бойынша және Тізілімді жүргізу қағидасының жобасы бойынша ұсыныстар әзірлеу үшін ведомствоаралық жұмыс тобын құру | Қаржыминінің бұйрығы | Қаржымині (жинақтау), ЭДСМ, ММ, Әділетмині, ЖРБА, БАМ, ТЖМ, БҚА, АЕО (келісім бойынша), ЭКО (келісім бойынша) | 2011 жылғы қыркүйек | Талап етілмейді | |
