Арнайы экономикалық аймақтың қатысушысы ретінде тіркеуге арналған өтінім мен сауалнама нысандарын бекіту туралы
Қазақстан Республикасы Индустрия және жаңа технологиялар министрлігінің 2011 жылғы 21 қыркүйектегі № 335 Бұйрығы
(2013.12.12. берілген өзгерістермен)
ҚР Инвестициялар және даму министрінің м.а. 2015 жылғы 31 желтоқсандағы № 1293 бұйрығымен күші жойылды
«Қазақстан Республикасындағы арнайы экономикалық аймақтар туралы» Қазақстан Республикасы Заңының 5-бабының 4) тармақшасына сәйкес бұйырамын:
1. Мыналар:
1) осы бұйрыққа 1 қосымшаға сәйкес арнайы экономикалық аймақтың қатусышысы ретінде тіркеуге арналған өтінім нысаны;
2) осы бұйрыққа 2 қосымшаға сәйкес арнайы экономикалық аймақтың қатусышысы ретінде тіркеуге арналған сауалнама нысаны бекітілсін.
2. «Жеке және заңды тұлғаларды арнайы экономикалық аймақтың аумағында қызметтi жүзеге асырауға жiберу ережесiн бекiту туралы» Қазақстан Республикасы Индустрия және сауда министрiнiң 2007 жылғы 15 қазандағы № 302 бұйрықтың (Нормативтік-құқықтық актілерді мемлекеттік тіркеу тізілімінде № 4986 болып тіркелді, 2007 жылғы 28 желтоқсанда № 197 (1226) «Заң газеті» газетінде жарияланды) күші жойылды деп танылсын.
3. Қазақстан Республикасы Индустрия және жаңа технологиялар министрлігінің Инвестиция комитеті (А.Ж.Серіков) осы бұйрықты заңнамада белгіленген тәртіпте Қазақстан Республикасының Әділет министрлігінде мемлекеттік тіркеуді және бұқаралық ақпарат құралдарында ресми жариялануды қамтамасыз етсін.
4. Осы бұйрықтың орындалуын бақылау Қазақстан Республикасы Индустрия және жаңа технологиялар бірінші вице-министрі А.П.Рауға жүктелсін.
5. Осы бұйрық алғашқы ресми жарияланғаннан кейін он күнтізбелік күн өткен соң қолданысқа енеді.
| Қазақстан Республикасы Премьер-Министрінің орынбасары -Қазақстан Республикасының Индустрия және жаңа технологиялар министрі | Ә. Исекешев |
Қазақстан Республикасы
Премьер-Министрінің орынбасары -
Қазақстан Республикасының
Индустрия және жаңа технологиялар
министрінің
2011 жылғы 21 қыркүйектегі
№ 335 бұйрығына 1-қосымша
