Өнеркәсіптік қауіпсіздік саласындағы нормативтік актілерді бекіту туралы
Қазақстан Республикасы Төтенше жағдайлар министрінің 2007 жылғы 19 қыркүйектегі № 141 бұйрығы
Осы редакция 2009 жылғы 21қазанда енгізілген өзгерістеріне дейін қолданылды
«Қауіпті өндірістік объектілердегі өнеркәсіптік қауіпсіздік туралы» Заңының 7 бабы 3) тармақшасына сәйкес БҰЙЫРАМЫН:
1. Мыналар:
1) «Фосфор мен оның бейорганикалық қосындыларын өндіруге арналған өнеркәсіптік қауіпсіздік ережесі»;
2) «Сұйық аммиакты тасымалдауға арналған теміржол цистерналарын пайдалану кезіндегі өнеркәсіптік қауіпсіздік ережесі»;
3) «Жарылыс жұмыстары кезіндегі өнеркәсіптік қауіпсіздік ережесі»;
4) «Көп арқанды көтергіш қондырғылардың арқан өткізгіштерін жобалау мен пайдалануға арналған өнеркәсіптік қауіпсіздіктің уақытша талаптары» бекітілсін.
2. Осы бұйрықтың қоса беріліп отырған тізбесіне сәйкес кейбір нормативтік актілердің күші жойылды деп танылсын.
3. Мынадай нормативтік құқықтық актілерді Қазақстан Республикасы аумағында пайдалану тоқтатылсын:
1) Кеңес Социалистік Республикасы Одағының Мемлекеттік тау-кен техникалық қадағалау (бұдан әрі - КСРО МТТҚ) 1979 жылғы 23 қаңтарда бекіткен «Фосфор мен оның бейорганикалық қосындыларын өндіруге арналған өнеркәсіптік қауіпсіздік ережесі»;
2) КСРО МТТҚ 1986 жылғы 9 желтоқсанда бекіткен «Сұйық аммиакты тасымалдауға арналған теміржол цистерналарын пайдалану кезіндегі өнеркәсіптік қауіпсіздік ережесі»;
3) КСРО МТТҚ 1984 жылғы 5 қазанда бекіткен № 48 «Металл гильзаларда электрлік оталдырғыштар мен оталдырғыш капсюльдерді қыспақ құрылғылармен таңбалау бойынша үлгі нұсқау»;
4) КСРО МТТҚ 1984 жылғы 3 қазанда бекіткен «ҚазКСР шахталары мен түсті металлургия қазбаларында электрлік от жарылысы кезінде қауіпсіздік жөніндегі үлгі нұсқау»;
5) КСРО МТТҚ 1977 жылғы 16 ақпанда бекіткен «Жарылыс энергиясын пайдалана отырып металл өңдеу кезіндегі қауіпсіздік жөніндегі үлгі нұсқау»;
6) КСРО МТТҚ 1983 жылғы 22 қарашада бекіткен «Жарылғыш материалдарды автомобиль көлігімен тасымалдау ережесі»;
