Қазақстан Республикасы Көлік және коммуникациялар министрлігінің Көліктік бақылау комитеті және оның аумақтық органдарының әкімшілік құқық бұзушылықтар туралы іс жүргізу жөніндегі нұсқаулығын бекіту туралы
Қазақстан Республикасы Көлік және коммуникациялар министрлігі Көліктік бақылау комитеті Төрағасының 2004 жылғы 23 ақпандағы № 13-2-Ө бұйрығы
(2009.28.01. берілген өзгерістер мен толықтырулармен)
Осы редакция 2011 жылғы 10 қазанда енгізілген өзгерістеріне дейін қолданылды
Осы бұйрыққа өзгерістер енгізу туралы;
ҚР Көлік және коммуникация министрінің м.а. 2010 жылғы 29 қыркүйектегі № 440 Бұйрығы (2012 жылғы 1 қаңтардан бастап қолданысқа енгізіледі)
Қазақстан Республикасының Көлік және коммуникациялар министрлігі Көліктік бақылау комитетінің құзыретіне жатқызылған әкімшілік құқық бұзушылықтар бойынша іс жүргізуді ретке келтіру және «Әкімшілік құқық бұзушылықтар туралы» Қазақстан Республикасының кодексімен сәйкестікке келтіру мақсатында бұйырамын:
1. Қоса беріліп отырған Қазақстан Республикасы Көлік және коммуникациялар министрлігінің Көліктік бақылау комитеті және оның аумақтық органдарының әкімшілік құқық бұзушылықтар туралы іс жүргізу жөніндегі нұсқаулығы бекітілсін.
2. «Қазақстан Республикасы Көлік және коммуникациялар министрлігінің Көліктік бақылау комитеті және оның аумақтық органдарының әкімшілік құқық бұзушылықтар туралы іс жүргізу жөніндегі нұсқаулығын бекіту туралы» (Қазақстан Республикасының Әділет министрлігінде 2001 жылғы 25 шілдеде 1584-нөмірмен тіркелген) Қазақстан Республикасы Көлік және коммуникациялар министрлігінің Көліктік бақылау комитеті төрағасының 2001 жылғы 15 мамырдағы № 38-ө бұйрығының күші жойылды деп танылсын.
