Қазақстан Республикасы Еңбек және халықты әлеуметтік қорғау министрлігінің 2011 - 2015 жылдарға арналған стратегиялық жоспарын бекіту туралы
Қазақстан Республикасы Үкіметінің 2010 жылғы 31 желтоқсандағы № 1507 Қаулысы
(2011.02.04. берілген өзгерістер мен толықтырулармен)
Осы редакция 2011 жылғы 20 желтоқсанда енгізілген өзгерістеріне дейін қолданылды
Қазақстан Республикасының 2008 жылғы 4 желтоқсандағы Бюджет кодексінің 62-бабына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Қазақстан Республикасы Еңбек және халықты әлеуметтік қорғау министрлігінің 2011 - 2015 жылдарға арналған стратегиялық жоспары бекітілсін.
2. Осы қаулы 2011 жылғы 1 қаңтардан бастап қолданысқа енгізіледі және ресми жариялануға тиіс.
| Қазақстан Республикасының Премьер-Министрі | К. Мәсімов |
Қазақстан Республикасы
Үкіметінің
2010 жылғы 31 желтоқсандағы
№ 1507 қаулысымен
бекітілген
Қазақстан Республикасы Еңбек және халықты әлеуметтік қорғау министрлігінің 2011 - 2015 жылдарға арналған
стратегиялық жоспары
Мазмұны
1. Миссия және пайымдау
2. Ағымдағы ахуалды талдау және қызметтің тиісті салаларының даму үрдістері
3. Стратегиялық бағыттар, мақсаттар, міндеттер, нысаналы индикаторлар, іс-шаралар мен нәтиже көрсеткіштері
4. Функционалдық мүмкіндіктерді дамыту
5. Ведомствоаралық өзара іс-қимыл
6. Қатерлерді басқару
7. Бюджеттік бағдарламалар
1. Миссия және пайымдау
Миссия
Еңбек құқықтарын қорғау, өнімді жұмыспен қамтуға жәрдемдесу және әлеуметтік қамсыздандырудың барабарлығын қамтамасыз ету.
Пайымдау
Өмір сүру деңгейі мен сапасын лайықты жұмыспен қамтудың қолжетімділігін кеңейту, әлеуметтік қамсыздандыру деңгейін арттыру, халықты әлеуметтік қамсыздандыру жүйесін дамыту және оңтайландыру негізінде арттыру.
2. Ағымдағы ахуалды талдау және қызметтің тиісті салаларының даму үрдістері
1. Жұмыспен қамту саласын реттеу
Саланы дамытудың негізгі параметрлері
