Қазақстан Республикасы Ауыл шаруашылығы Министрлігінің кейбір бұйрықтарының күші жойылды деп тану туралы
Қазақстан Республикасы Ауыл шаруашылығы министрінің 2012 жылғы 17 қаңтардағы № 10-1/18 бұйрығы
«Нормативтік құқықтық актілер туралы» Қазақстан Республикасы Заңының 43-1-бабының 1-тармағына сәйкес БҰЙЫРАМЫН:
1. Осы бұйрықтың қосымшасына сәйкес Қазақстан Республикасы Ауыл шаруашылығы министрлігі бұйрықтарының күші жойылды деп танылсын.
2. Қазақстан Республикасы Ауыл шаруашылығы министрлігінің Құқықтық қамтамасыз ету департаменті (Ә. Жеңісов) осы бұйрықтың көшірмесін белгіленген тәртіппен Қазақстан Республикасы Әділет министрлігіне бір апталық мерзімде жолдасын.
3. Осы бұйрық қол қойылған күнінен бастап қолданысқа енгізіледі.
Қазақстан Республикасы
Ауыл шаруашылығы
Министрінің
2012 жылғы 17 қаңтардағы № 10-1/18
бұйрығына қосымша
Қазақстан Республикасы Ауыл шаруашылығы Министрлігінің күші
жойылды деп танылған бұйрықтардың
тізімі
1) «Астық рыногы мониторингін жүргізу Ережесін бекіту туралы» Қазақстан Республикасы Ауыл шаруашылығы министрінің 2001 жылғы 31 шілдедегі № 232 бұйрығы (Қазақстан Республикасы Әділет министрлігінде № 1662 тіркелген, 2001 жылғы № 40-41, ст. 522 Қазақстан Республикасы орталық атқарушы және өзге де мемлекеттік органдарының нормативтік құқықтық актілер Бюллетенінде жарияланған);
2) «Ветеринариялық құқықтық нормативтік кейбір актілерді бекіту туралы» Қазақстан Республикасы Ауыл шаруашылығы министрінің 2002 жылғы 30 қарашадағы № 351 бұйрығы (Қазақстан Республикасының Әділет министрлігінде № 2105 тіркелген, 2003 жылғы № 9-140, 807-құжат Қазақстан Республикасы орталық атқарушы және өзге де мемлекеттік органдарының нормативтік құқықтық актілер Бюллетенінде жарияланған);
