2012 - 2014 жылдарға арналған облыстық бюджет туралы
Павлодар облыстық мәслихатының 2011 жылғы 6 желтоқсандағы № 404/40 шешімі
Осы редакция 2012 жылғы 14 қаңтарда енгізілген өзгерістеріне дейін қолданылды
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабы 1-тармағының 1)-тармақшасына, Қазақстан Республикасының 2008 жылғы 4 желтоқсандағы Бюджет кодексінің 75-бабы 2-тармағына сәйкес облыстық мәслихат ШЕШІМ ЕТЕДІ:
1. 2012 - 2014 жылдарға арналған облыстық бюджет тиісінше 1, 2 және 3 - қосымшаларға сәйкес, соның ішінде 2012 жылға мына көлемдерде бекітілсін:
1) кірістер - 55535077 мың теңге, соның ішінде:
салықтық түсімдер - 19240771 мың теңге;
салықтық емес түсімдер - 347870 мың теңге;
трансферттердің түсімдері - 35946436 мың теңге;
2) шығындар - 55339394 мың теңге;
3) таза бюджеттік кредит беру - -610194 мың теңге, соның ішінде:
бюджеттік кредиттерді өтеу - 610194 мың теңге;
4) қаржы активтерімен жасалатын операциялар бойынша сальдо - 453672 мың теңге, соның ішінде:
қаржы активтерін сатып алу - 453672 мың теңге;
5) бюджет профициті - 352205 мың теңге;
6) бюджет профицитін пайдалану - -352205 мың теңге.
2. Аудандар мен облыстық маңызы бар қалалар бюджеттеріне салықтан түскен түсімдердің жалпы сомасын 2012 жылға мына көлемдерде үлестіру бекітілсін:
жеке табыс салығы бойынша:
Ақтоғай, Баянауыл, Железин, Ертіс, Качиры, Лебяжі, Май, Павлодар, Успен, Шарбақты аудандарына, Ақсу қаласына - 100 пайыз, Павлодар қаласына - 54,1 пайыз, Екібастұз қаласына - 67,1 пайыз;
әлеуметтік салық бойынша:
Ақтоғай, Баянауыл, Железин, Ертіс, Качиры, Лебяжі, Май, Павлодар, Успен, Шарбақты аудандарына - 100 пайыз, Ақсу қаласына - 77 пайыз, Павлодар қаласына - 54,1 пайыз.
3. Облыстық маңызы бар қалалардың бюджеттерінен облыстық бюджетке салықтан түскен түсімдердің жалпы сомасын 2012 жылға мына көлемдерде үлестіру бекітілсін:
жеке табыс салығы бойынша:
Павлодар қаласына - 45,9 пайыз, Екібастұз қаласына - 32,9 пайыз;
әлеуметтік салық бойынша:
Ақсу қаласына - 23 пайыз, Павлодар қаласына - 45,9 пайыз, Екібастұз қаласына - 100 пайыз.
