Ақтөбе қаласы бойынша қоғамдық жұмыстарды ұйымдастыру туралы
Ақтөбе облысы Ақтөбе қалалық әкімдігінің 2012 жылғы 6 ақпандағы № 482 Қаулысы
Ақтөбе облысы Ақтөбе қалалық әкімдігінің 2014 жылғы 13 қаңтардағы № 91 Қаулысымен күші жойылды
Қазақстан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31, 37 баптарына және Қазақстан Республикасының 2001 жылғы 23 қаңтардағы № 149 «Халықты жұмыспен қамту туралы» Заңының 7 бабының 5 тармағына және 20 бабына, Қазақстан Республикасы Үкіметінің 2001 жылғы 19 маусымдағы № 836 «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңын іске асыру жөніндегі шаралар туралы» қаулысына сәйкес қала әкімдігі ҚАУЛЫ ЕТЕДІ:
1. Жұмыссыздарды уақытша жұмыспен қамтуды ұйымдастыру үшін қоғамдық жұмыстың көлемі, түрлері және нақты шарттары қоғамдық жұмыстар өткізілетін ұйымдардың тізбесі қосымшаға сәйкес бекітілсін.
2. «Қалалық жұмыспен қамту және әлеуметтік бағдарламалар бөлімі» мемлекеттік мекемесі (Н.Х. Бөртебаева) осы қаулының жүзеге асырылуын қамтамасыз етсін.
3. 451-002-100 «Қоғамдық жұмыстар» бюджеттік бағдарламасы бойынша қаржыландыру көзі анықталсын.
