Отбасылық үлгідегі балалар ауылы мен жасөспiрiмдер үйлерiнiң қызметiн реттейтiн нормативтiк-құқықтық кесiмердi бекіту туралы
Қазақстан Республикасы Білім және ғылым министрінің 2001 жылғы 18 шілдедегі № 583 бұйрығы
Осы редакция 2012 жылғы 27 наурызда енгізілген өзгерістеріне дейін қолданылды
Қазақстан Республикасының «Отбасылық үлгiдегi балалар ауылы мен жасөспiрiмдер үйлерi туралы» Заңын iске асыру мақсатында БҰЙЫРАМЫН:
1. Қоса берiлiп отырған отбасылық үлгiдегi балалар ауылы мен жасөспiрімдер үйлерiнiң қызметiн реттейтiн нормативтiк-құқықтық кесiмдер бекітілсiн (1, 2, 3, 4, 5, 6-қосымшалар):
1) Отбасылық үлгідегi балалар ауылының әкiмшiлiгi туралы ереже;
2) Отбасылық үлгiдегi балалар ауылының ана-тәрбиешiсiнiң білiктілік санаты;
3) Отбасылық үлгiдегi балалар ауылының ана-тәрбиешiсiнiң лауазымына конкурс өткізудiң тәртібі туралы ереже;
4) Балалар ауылының отбасына балаларды өткізу туралы үлгiлi келісім-шарт;
5) Жасөспiрiмдер үйi (әлеуметтiк бейiмделу орталығы) туралы ереже;
6) Жасөспірiмдер үйінде асырау туралы үлгiлі келiсім-шарт.
2. Жалпы орта және бастауыш кәсiптiк білiм департаментiнiң директоры Р.М. Жұмабекова) осы бұйрықты Қазақстан Республикасының Әдiлет министрлігіне белгіленген тәртiппен мемлекеттік тiркеуге ұсынсын.
3. Облыстық, Астана және Алматы қалалық білім басқармаларының (департаменттерiнiң) бастықтары осы бұйрықты барлық қорғаншылық және қамқоршылық бөлiмдерiне, аудандық және қалалық білім бөлiмдерiне, жетiм балалар мен ата-ана қамқорлығынсыз қалған балаларға арналған білім ұйымдарына жеткiзiлсiн.
4. Осы бұйрықтың орындалуын бақылау Жалпы орта және бастауыш кәсiптiк білім департаментiнiң директоры Р.М. Жұмабековаға жүктелсiн.
Министрдің
міндетін атқарушы
Қазақстан Республикасының
Білiм және ғылым Министрінің
2001 жылғы 18 шілдедегі
№ 583 бұйрығына 1-қосымша
Отбасылық үлгідегi балалар ауылының әкімшілігі туралы
ЕРЕЖЕ
1. Жалпы ереже
