«Жеке тұрғын үй құрылысы үшін жер учаскелеріне құқық беру ережесін бекіту туралы» Қазақстан Республикасы Үкіметінің 2006 жылғы 1 тамыздағы № 726 қаулысына өзгеріс енгізу және «Оралмандарға жеке тұрғын үй салу үшін жер телімдерін беру ережесін бекіту туралы» Қазақстан Республикасы Үкіметінің 2002 жылғы 9 шілдедегі № 748 қаулысының күші жойылды деп тану туралы
Қазақстан Республикасы Үкіметінің 2012 жылғы 12 маусымдағы № 784 Қаулысы
ҚР Үкіметінің 2015 жылғы 23 желтоқсандағы № 1034 Қаулысымен күші жойылды
Қазақстан Республикасының Үкіметі ҚАУЛЫ ЕТЕДІ:
1. «Жеке тұрғын үй құрылысы үшін жер учаскелеріне құқық беру ережесін бекіту туралы» Қазақстан Республикасы Үкіметінің 2006 жылғы 1 тамыздағы № 726 қаулысына мынадай өзгеріс енгізілсін:
көрсетілген қаулымен бекітілген Жеке тұрғын үй құрылысы үшін жер учаскесін беру ережесі осы қаулының қосымшасына сәйкес жаңа редакцияда жазылсын.
2. «Оралмандарға жеке тұрғын үй салу үшін жер телімдерін беру ережесін бекіту туралы» Қазақстан Республикасы Үкіметінің 2002 жылғы 9 шілдедегі № 748 қаулысының (Қазақстан Республикасының ПҮАЖ-ы, 2002 ж., № 22, 231-құжат) күші жойылды деп танылсын.
3. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.
Қазақстан Республикасының Премьер-Министрі | К. Мәсімов |
Қазақстан Республикасы
Үкіметінің
2012 жылғы 12 маусымдағы
№ 784 қаулысына
қосымша
Қазақстан Республикасы
Үкіметінің
2006 жылғы 1 тамыздағы
№ 726 қаулысымен
бекітілген
Жеке тұрғын үй құрылысы үшін жер учаскелеріне құқық беру
ережесi
1. Жалпы ережелер
1. Осы Ереже Қазақстан Республикасы Жер кодексінің (бұдан әрі - Кодекс) 50-бабы 2-тармағының 2) тармақшасына cәйкес Қазақстан Республикасының азаматтарына және оралмандарға жеке тұрғын үй құрылысы үшін жер учаскелерін берудің тәртібін айқындайды.
