«Қазақстан Республикасы Ауыл шаруашылығы министрлігінің кейбір мәселелері туралы және «Қазақстан Республикасы Ауыл шаруашылығы министрлігінде сапа менеджменті жүйесін енгізу туралы» Қазақстан Республикасы Ауыл шаруашылығы министрлігі Жауапты хатшысының 2011 жылғы 19 қыркүйектегі № 05-4/528 бұйрығының күші жойылды деп тану туралы» Қазақстан Республикасы Ауыл шаруашылығы министрлігі Жауапты хатшысының 2012 жылғы 28 ақпандағы № 05-3/77 бұйрығына өзгерістер енгізу туралы
Қазақстан Республикасы Ауыл шаруашылығы министрлігі Жауапты хатшысының 2012 жылғы 31 мамырдағы № 1-3/289 бұйрығы
БҰЙЫРАМЫН:
1. «Қазақстан Республикасы Ауыл шаруашылығы министрлігінің кейбір мәселелері туралы және «Қазақстан Республикасы Ауыл шаруашылығы министрлігінде сапа менеджменті жүйесін енгізу туралы» Қазақстан Республикасы Ауыл шаруашылығы министрлігі Жауапты хатшысының 2011 жылғы 19 қыркүйектегі № 05-4/528 бұйрығының күші жойылды деп тану туралы» Қазақстан Республикасы Ауыл шаруашылығы министрлігі Жауапты хатшысының 2012 жылғы 28 ақпандағы № 05-3/77 бұйрығына мынадай өзгерістер енгізілсін:
1-тармақтың 1) тармақшасы мынадай редакцияда жазылсын:
«1) Сапа менеджменті мәселелері жөніндегі кеңес құрылымы осы бұйрыққа 1-қосымшаға сәйкес;»;
көрсетілген бұйрыққа 1-қосымша осы бұйрыққа қосымшаға сәйкес редакцияда жазылсын;
көрсетілген бұйрыққа 3-қосымшада:
4-тармақ мынадай редакцияда жазылсын:
«4. Сапа жөніндегі кеңес құрамына осы бұйрыққа 1-қосымшаға сәйкес Министрліктің құрылымдық бөлімшелерінің басшылары, сонымен қатар қадағалаушылар ретінде басқа да мемлекеттік органдар мен халықаралық ұйымдардың дауыс беру құқығы жоқ өкілдері кіреді.».
2. Стратегия және корпоративтік даму департаменті Қазақстан Республикасы Ауыл шаруашылығы министрлігінің қызметкерлерін осы бұйрықпен таныстырсын және осы бұйрықтан туындайтын өзге де шараларды қабылдасын.
3. Осы бұйрықтың орындалуын бақылауды өзіме қалдырамын.
4. Осы бұйрық қол қойылған күнінен бастап күшіне енеді.
Қазақстан Республикасы
Ауыл шаруашылығы министрлігі
