ҚР Үкіметінің 2015 жылғы 13 наурыздағы № 140 Қаулысымен күші жойылды
ҚР Үкіметінің 2013.09.07. № 699 Қаулысымен мемлекеттік қызмет стандарты жаңа редакцияда (бұр.ред.қара)
Қазақстан Республикасы Үкіметінің
2012 жылғы 31 тамыздағы
№ 1119 Қаулысымен бекітілген
«Болашақ» халықаралық стипендиясын тағайындауға арналған конкурсқа қатысу үшін құжаттар қабылдау»
мемлекеттік қызмет стандарты
(2013.09.07. берілген өзгерістермен)
1. Жалпы ережелер
1. «Болашақ» халықаралық стипендиясын тағайындауға арналған конкурсқа қатысу үшін құжаттар қабылдау» мемлекеттік қызметін (бұдан әрі - мемлекеттік қызмет) Қазақстан Республикасы, Астана қаласы, Есіл ауданы, Орынбор көшесі, 18-үй мекенжайы бойынша орналасқан «Халықаралық бағдарламалар орталығы» акционерлік қоғамы (бұдан әрі - уәкілетті ұйым) мекенжайлары осы стандартқа 1-қосымшада көрсетілген Халыққа қызмет көрсету орталықтары (бұдан әрі - орталық) арқылы баламалы негізде, сондай-ақ www.e.gov.kz «электрондық үкіметтің» веб-порталы (бұдан әрі - портал) арқылы көрсетеді.
2. Көрсетілетін мемлекеттік қызметтің нысаны: ішінара автоматтандырылған.
3. Мемлекеттік қызмет «Ақпараттандыру туралы» 2007 жылғы 11 қаңтардағы Қазақстан Республикасы Заңының 29-бабына, Қазақстан Республикасы Үкіметінің 2008 жылғы 11 маусымдағы № 573 қаулысымен бекітілген «Болашақ» халықаралық стипендиясын тағайындау үшін үміткерлерді іріктеу қағидаларына (бұдан әрі - Қағидалар) сәйкес көрсетіледі.
4. Мемлекеттік қызмет туралы ақпарат:
1) уәкілетті ұйымның www.bolashak.gov.kz интернет-ресурсында;
2) орталықтың www.con.gov.kz интернет-ресурсында;
3) уәкілетті ұйымның немесе орталықтың үй-жайларындағы стенділер мен ақпараттық тақталарда;
4) www.e.gov.kz порталында орналастырылады.
Сондай-ақ мемлекеттік қызметті көрсету тәртібі туралы ақпаратты call-орталықтың 1414 телефоны бойынша алуға болады.
5. Көрсетілетін мемлекеттік қызметтің нәтижесі:
