Табиғи монополиялар субъектілерінің реттеліп көрсетілетін қызметтеріне (тауарларына, жұмыстарына) тарифтер (бағалар, алымдар ставкаларын) және тарифтік сметалар бекіту жөніндегі ережені бекіту туралы
Қазақстан Республикасы Табиғи монополияларды реттеу және бәсекелестікті қорғау жөніндегі агенттігінің 2003 ж. 19 наурыздағы № 82-НҚ бұйрығы
(2012.04.06. берілген өзгерістер мен толықтыруларымен)
Осы редакция 2012 жылғы 14 қыркүйекте енгізілген өзгерістеріне дейін қолданылды
ҚР ТМРБҚ агенттігінің 09.10.03 ж. № 253-НҚ бұйрығымен тақырыбы өзгертілді (бұр. ред. қара); ҚР ТМ реттеу агенттігі Төрағасының 2005.29.03. № 108-НҚ Бұйрығымен тақырыбы жаңа редакцияда (бұр. ред. қара)
ҚР Табиғи монополияларды реттеу агенттігі Төрағасының 2010.30.04. № 137-НҚ бұйрығымен кіріспе жаңа редакцияда (бұр.ред.қара)
«Табиғи монополиялар және реттелетін нарықтар туралы» Қазақстан Республикасы Заңының (бұдан әрі - Заң) 14-1-бабы 1-тармағының 5) тармақшасына сәйкес БҰЙЫРАМЫН:
ҚР ТМРБҚ агенттігінің 09.10.03 ж. № 253-НҚ бұйрығымен 1-тармақ өзгертілді (бұр. ред. қара); ҚР ТМ реттеу агенттігі Төрағасының 2005.29.03. № 108-НҚ Бұйрығымен 1-тармақ өзгертілді (бұр. ред. қара)
1. Қоса беріліп отырған Табиғи монополиялар субъектілерінің реттеліп көрсетілетін қызметтеріне (тауарларына, жұмыстарына) тарифтер (бағалар, алымдар ставкаларын) және тарифтік сметалар бекіту туралы ереже бекітілсiн.
2. «Субъектiлердiң тауарларына, жұмыстарына, қызметтерiне бағалар (тарифтер) бекітудiң және енгiзудiң тәртібі туралы (Қазақстан Республикасының 1999 жылғы 6 қыркүйектегi нормативтiк құқықтық актілердi мемлекеттік тiркеу Тiзiлiмiнде № 881 нөмiрмен тiркелген, Қазақстан Республикасының орталық атқарушы және өзге мемлекеттік органдарының 1999 жылғы № 3 нормативтiк құқықтық актiлер бюллетенiнде жарияланған) Нұсқаулықты бекіту туралы» Қазақстан Республикасы Табиғи монополияларды реттеу және бәсекелестiктi қорғау жөніндегі агенттiгiнiң 1999 жылғы 6 тамыздағы № 59-ОД бұйрығының күшi жойылды деп танылсын.
