Консулдық іс-әрекеттерді жасау үшін алынатын консулдық алымдар ставкаларының, сонымен қатар жеделдік үшін
консулдық алым ставкаларының мөлшерлерін бекіту туралы
Қазақстан Республикасы Сыртқы істер министрінің 2010 жылғы 14 шілдедегі № 08-1-1-1/249 Бұйрығы
Осы редакция 2012 жылғы 22 тамызда енгізілген өзгерістеріне дейін қолданылды
Қазақстан Республикасының «Салық және бюджетке төленетін басқа да міндетті төлемдер туралы (Салық кодексі)» 2008 жылғы 10 желтоқсандағы Заңының 552-бабындағы 2-тармаққа сәйкес БҰЙЫРАМЫН:
1. Консулдық іс-әрекеттерді жасау үшін алынатын консулдық алымдар ставкаларының, сонымен қатар жеделдік үшін консулдық алым ставкаларының мөлшерлері осы бұйрықтың 1-50-қосымшаларына сәйкес бекітілсін.
2. «Консулдық іс-әрекеттерді жасау үшін алынатын консулдық алымдар ставкаларының мөлшерлерін бекіту туралы» Қазақстан Республикасы Сыртқы істер министрінің 2009 жылғы 29 сәуірдегі № 08-1-1-1/115 бұйрығы (Нормативтік құқықтық актілердің мемлекеттік тіркеу тізілімінде № 5680 тіркелген, 2009 жылғы маусым айындағы № 6 «Қазақстан Республикасының орталық атқарушы және өзге де орталық мемлекеттік органдарының актілер жинағында» жарияланған) күші жойылды деп танылсын.
3. Осы бұйрық оның алғашқы ресми жариялауынан кейінгі күнтізбелік он күн өткен соң қолданысқа енгізіледі.
| Мемлекеттік хатшы- Министр | Қ. Саудабаев |
Қазақстан Республикасының
Мемлекеттік хатшысы -
Сыртқы істер министрінің
2010 жылғы 14 шілдедегі
№ 08-1-1-1/249 бұйрығына
1-қосымша
Австрия Республикасында консулдық іс-әрекеттер жасау үшін
алынатын консулдық алымдар ставкаларының мөлшерлері
| Р/с № | Консулдық іс-әрекеттердің атауы | Ставкалар (евромен) |
| 1 | 2 | 3 |
| 1. Қазақстан Республикасы азаматының паспортын ресімдеу |
| 1. | Қазақстан Республикасы азаматының паспортын ресімдеу | 40 евро |
| 2. | Қазақстан Республикасының азаматы паспортының қолданылу мерзімін ұзарту | 25 евро |
| 3. | Қазақстан Республикасы азаматының паспортына (паспортынан) балалары туралы деректерді жазу (алып тастау) | 12 евро |
| 2. Қазақстан Республикасының визаларын беру |
