Қазақстан Республикасы Денсаулық сақтау министрінің 2010 жылғы 7 сәуірдегі «Денсаулық сақтау ұйымдарының үлгі штаттары мен штат нормативтерін бекіту туралы» № 238 бұйрығына толықтырулар енгізу туралы
Қазақстан Республикасы Денсаулық сақтау министрінің 2012 жылғы 15 қазандағы № 714 Бұйрығы
ҚР Денсаулық сақтау министрінің 2020 жылғы 25 қарашадағы № ҚР ДСМ-205/2020 бұйрығымен күші жойылды
Қазақстан Республикасындағы сот-медициналық қызметті ұйымдастыру мен жұмысын одан әрі жетілдіру және сараптамалардың сапасын арттыру мақсатында БҰЙЫРАМЫН:
1. «Денсаулық сақтау ұйымдарының үлгі штаттары мен штат нормативтерін бекіту туралы» (Қазақстан Республикасының орталық атқарушы және басқа да орталық мемлекеттік органдардың 2010 жылдың 7 тамызынан № 13 Актілер жинағында жарияланған, мемлекеттік тіркеудің № 6173 нормативтік құқықтық актілерді мемлекеттік тіркеудің Реестрінде тіркелген) Қазақстан Республикасы Денсаулық сақтау министрінің 2010 жылғы 7 сәуірдегі № 238 бұйрығына мынадай толықтырулар енгізілсін:
Денсаулық сақтау ұйымдарының үлгі штаттары мен штат нормативтерімен көрсетілген бұйрықты толықтыру:
мынадай мазмұндағы 8-бөліммен:
«8-бөлім. Сот медицинасы саласында қызметті жүзеге асыратын ұйымдардың медициналық және қосалқы персоналының үлгі штаттары мен штат нормативтері
695. Сот медицинасы саласында қызметті жүзеге асыратын ұйымдардың медициналық және қосалқы персоналының штаттары мен штат нормативтері осы бұйрыққа 16-қосымшаға сәйкес белгіленеді»
осы бұйрыққа қосымшаға сәйкес 16-қосымшамен толықтырылсын.
2. Қазақстан Республикасы Денсаулық сақтау министрлігінің Медициналық көмекті ұйымдастыру департаменті (А.Ғ. Төлеғалиева) осы бұйрықтың Қазақстан Республикасы Әділет министрлігінде мемлекеттік тіркеуін қамтамасыз етсін.
3. Қазақстан Республикасы Денсаулық сақтау министрлігінің Заң қызметі департаменті (Ж.Ж. Данаева) осы бұйрық мемлекеттік тіркелгеннен кейін оны бұқаралық ақпарат құралдарында ресми жариялауды қамтамасыз етсін.
