«Білім беру мониторингінің шеңберінде әкімшілік деректер нысандарын бекіту туралы» Қазақстан Республикасы Білім және ғылым министрінің 2012 жылғы 27 желтоқсандағы № 570 бұйрығы (2014.27.08. берілген өзгерістермен)

Білім беру мониторингінің шеңберінде әкімшілік деректер нысандарын бекіту туралы
Қазақстан Республикасы Білім және ғылым министрінің 2012 жылғы 27 желтоқсандағы № 570 бұйрығы

(2014.27.08. берілген өзгерістермен)

Осы бұйрыққа өзгерістер мен толықтыру енгізу туралы ҚР Оқу-ағарту министрінің м.а. 2024 жылғы 29 маусымдағы № 168 бұйрығын қараңыз (2025 ж. 1 қаңтарынан бастап қолданысқа енгізіледі)

«Мемлекеттік статистика туралы» Қазақстан Республикасының 2010 жылғы 19 наурыздағы Заңының 16-бабының 3-тармағының 2) тармақшасына сәйкес БҰЙЫРАМЫН:

1. Осы бұйрыққа 1-162-қосымшаларға сәйкес Қазақстан Республикасы Білім және ғылым министрлігінің (бұдан әрі - Министрлік) әкімшілік деректер нысандары бекітілсін.

2. Стратегиялық жоспарлау және ақпараттық технологиялар департаменті (Э.М. Төлеков):

1) осы бұйрықты заңнамада белгіленген тәртіп бойынша Қазақстан Республикасы Әділет министрлігінде мемлекеттік тіркеуден өткізуді және одан әрі оның бұқаралық ақпарат құралдарында ресми жариялануын;

2) білім беру мониторингінің барлық рәсімдерін салалық үйлестіруді;