«Білім беру мониторингінің шеңберінде әкімшілік деректер нысандарын бекіту туралы» Қазақстан Республикасы Білім және ғылым министрінің 2012 жылғы 27 желтоқсандағы № 570 бұйрығына өзгерістер мен толықтыру енгізу туралы
Қазақстан Республикасы Оқу-ағарту министрінің м.а. 2024 жылғы 29 маусымдағы № 168 бұйрығы
БҰЙЫРАМЫН:
1. «Білім беру мониторингінің шеңберінде әкімшілік деректер нысандарын бекіту туралы» Қазақстан Республикасы Білім және ғылым министрінің 2012 жылғы 27 желтоқсандағы № 570 бұйрығына (нормативтік құқықтық актілерді мемлекеттік тіркеу тізілімінде № 8369 болып тіркелген) мынадай өзгерістер мен толықтыру енгізілсін:
1 және 1-1-тармақ жаңа редакцияда жазылсын:
«1. Білім беру мониторингі шеңберінде Қазақстан Республикасы Оқу-ағарту министрлігінің әкімшілік деректерінің нысандары осы бұйрыққа 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 61, 62, 63, 64, 65, 66, 67, 68, 69, 70, 71, 72, 73, 74, 75, 76, 77, 78, 79, 80, 81, 82, 83, 84, 85, 86, 87, 88, 89, 90, 91, 92, 93, 94, 95, 96, 97, 98-қосымшаларға сәйкес бекітілсін.
1-1. Мектепке дейінгі, бастауыш, негізгі орта және жалпы орта, арнайы және мамандандырылған, қосымша, техникалық және кәсіптік және орта білімнен кейінгі білім беру, білім беру-сауықтыру, жетім балалар мен ата-анасының қамқорлығынсыз қалған балаларға арналған білім беру, меншік нысанына және ведомстволық бағыныстылығына қарамастан әкімшілік деректерді білім беру саласындағы ақпараттандыру объектілеріне беруді қамтамасыз етсін.»;
осы бұйрыққа қосымшаға сәйкес 98-қосымшамен толықтырылсын.
2. Қазақстан Республикасы Оқу-ағарту министрлігінің Цифрландыру және мемлекеттік қызметтерді автоматтандыру департаменті заңнамада белгіленген тәртіппен:
1) осы бұйрықтың Қазақстан Республикасының Әдiлет министрлiгiнде мемлекеттiк тiркелуін;
2) осы бұйрықты ресми жарияланғаннан кейін Қазақстан Республикасы Оқу-ағарту министрлігінің ресми интернет-ресурсында орналастыруды;
