Осы редакция 2013 жылғы 19 сәуірде енгізілген өзгерістеріне дейін қолданылды
Қазақстан Республикасы
Үкіметінің
2012 жылғы 22 тамыздағы
№ 1068 қаулысымен
бекітілген
«Технологияларды, техникалық құрылғыларды және материалдарды қолдануға рұқсат беру»
мемлекеттік қызмет стандарты
1. Жалпы ережелер
1. «Технологияларды, техникалық құрылғыларды және материалдарды қолдануға рұқсат беру» мемлекеттік қызметін (бұдан әрі - мемлекеттік қызмет) Қазақстан Республикасы Төтенше жағдайлар министрлігінің Төтенше жағдайларды және өнеркәсіптік қауіпсіздікті мемлекеттік бақылау комитеті (бұдан әрі - Комитет) 010000, Астана қаласы, Орынбор көшесі, 8 үй, «Министрліктер үйі» ғимараты, № 11 кіреберіс, 7-қабат, № 730-кабинет мекенжайы бойынша көрсетеді.
2. Көрсетілетін мемлекеттік қызмет нысаны: автоматтандырылмаған.
3. Мемлекеттік қызмет «Қауіпті өндірістік объектілердегі өнеркәсіптік қауіпсіздік туралы» Қазақстан Республикасының 2002 жылғы 3 сәуірдегі Заңының 14-10-бабы негізінде жүзеге асырылады.
4. Мемлекеттік қызмет көрсету туралы ақпарат Қазақстан Республикасы Төтенше жағдайлар министрлігінің (бұдан әрі - Министрлік) www.emer.kz интернет-ресурсында орналастырылған, сондай-ақ 8 (7172) 74-22-08 және 8 (7172) 74-22-68 телефон нөмірлері арқылы ұсынылады.
5. Көрсетілетін мемлекеттік қызметтің нәтижесі технологияларды, техникалық құрылғыларды және материалдарды қолдануға рұқсат (бұдан әрі - рұқсат) беру немесе мемлекеттік қызметті көрсетуден бас тарту туралы дәлелді жауап болып табылады.
6. Мемлекеттік қызмет жеке және заңды тұлғаларға (бұдан әрі - мемлекеттік қызметті алушы) көрсетіледі.
7. Мемлекеттік қызмет көрсету мерзімдері:
1) мемлекеттік қызметті алушы осы стандарттың 11-тармағында көрсетілген құжаттарды тапсырған сәттен бастап - күнтізбелік он бес күн;
2) қажетті құжаттарды тапсыру кезінде кезекте күтудің ең көп рұқсат берілген уақыты - отыз минут;
3) құжаттарды алу кезінде кезекте күтудің ең көп рұқсат берілген уақыты - он бес минут.
8. Мемлекеттік қызмет тегін көрсетіледі.
