Өнеркәсіп қауіпсіздігі саласындағы кейбір нормативтік актілерге өзгертулер мен толықтырулар енгізу туралы
Қазақстан Республикасы Төтенше жағдайлар министрінің 2013 жылғы 24 қаңтардағы № 26 бұйрығы
ҚР Ішкі істер министрінің 2015 жылғы 4 желтоқсандағы № 993 бұйрығымен күші жойылды
«Қауіпті өндірістік объектілердегі өнеркәсіп қауіпсіздігі туралы» Қазақстан Республикасы Заңының 7-бабы 17-1) тармақшасына сәйкес БҰЙЫРАМЫН:
1. «Өнеркәсіп қауіпсіздігі саласындағы нормативтік актілерді бекіту туралы» Қазақстан Республикасы Төтенше жағдайлар министрінің 2008 жылғы 25 шілдедегі № 132 бұйрығына мынадай толықтырулар мен өзгертулер енгізілсін:
аталған бұйрықпен бекітілген Мұнай және газ кен ұңғыларын жерасты жөндеуі кезіндегі өнеркәсіптік қауіпсіздік талаптарында:
15-тармақ мынадай редакцияда оқылсын:
«15. Жұмыс алаңы аузында агрегатты орнату биіктігі қабаттық қысымның көлемі, көмірсутектің, зиянды заттардың болуы және жұмыстар технологиясы ескеріле отырып, ашық су бұрқақтау, газ мұнай су көрінуінің пайда болу қаупі мен болуы мүмкін қатерге байланысты су бұрқақтауға қарсы қауіпсіздікті қамтамасыз ету талаптарымен, сызбасымен келісілген және бекітілген жұмыстарды ұйымдастыру жоспарына сәйкес ұңғыма аузында лақтыруға қарсы жабдықтардың немесе апаттық планшайбалардың еркін және қауіпсіз орын ауыстырулары, оларды басқару және олармен жұмыс істеу жағдайларынан анықталады.»;
17-тармақтың 9) тармақшасы мынадай редакцияда оқылсын:
«9) жұмыс және апаттық жарықтандырумен, кернеуі 12 В аспайтын, жарылыс қауіпсіз етіп орындалған және механикалық бүлінулерден қорғаныс торларымен жабдықталған жылжытылмалы шамшырақтармен.»;
22-тармақ мынадай редакцияда оқылсын:
«Монтаждау, бөлшектеу жұмыстары, түсіру-көтеру операциялары желдің жылдамдығы 15 м/с дейін болған кезде немесе дайындап шығарушының пайдалану құжаттамасында көрсетілген шарттарға сәйкес, кемінде 50 м көру мүмкіншілігі кезінде, төтенше метеожағдайлар болмағанда жүргізіледі.
