Алматы облысы әкімдігінің 2014 жылғы 2 маусымдағы № 196 Қаулысымен күші жойылды
Алматы облысы әкімдігінің
2012 жылғы 29 желтоқсандағы
№ 436 қаулысымен бекітілген
«Білім туралы құжаттардың телнұсқаларын беру»
мемлекеттік қызмет регламенті
1. Негізгі ұғымдар
1. Осы «Білім туралы құжаттардың телнұсқаларын беру» жөніндегі мемлекеттік қызмет көрсету регламентінде (бұдан әрі - Регламент) келесі ұғымдар қолданады:
1) алушы - жеке тұлға;
2) жергілікті уәкілетті орган - білім беру ұйымдары;
3) білім беру ұйымы қызметкері - қызметтік нұсқаулыққа байланысты міндеттер жүктелген білім беру ұйымының қызметкері;
4) уәкілетті органның басшысы - білім беру ұйымдарының бастығы;
5) білім беру ұйымдары - негізгі орта, жалпы орта, техникалық және кәсіптік білім беру ұйымдары.
2. Жалпы ережелер
2. Осы мемлекеттік қызметтің регламенті Қазақстан Республикасының «Әкімшілік рәсімдер туралы» 2000 жылғы 27 қарашадағы Заңының 9-1-бабындағы 4 тармаққа сәйкес әзірленді.
3. Көрсетілетін мемлекеттік қызмет көрсету түрлері: автоматтандырылмаған.
4. Мемлекеттік қызмет тегін көрсетіледі.
5. Мемлекеттік қызмет, «Білім туралы» Қазақстан Республикасының 2007 жылғы 27 шілдедегі Заңының 4-бабы 9 - тармағына және «Білім туралы мемлекеттік үлгідегі құжаттардың түрлері мен нысандарын және оларды беру ережесін бекіту туралы» Қазақстан Республикасы Үкіметінің 2007 жылғы 28 желтоқсандағы № 1310 қаулысына және Қазақстан Республикасы Үкіметінің 2012 жылғы 31 тамыздағы № 1119 қаулысымен бекітілген «Білім туралы құжаттардың телнұсқаларын беру» мемлекеттік қызмет көрсету стандартына сәйкес ұсынылады (бұдан әрі - стандарт).
6. Мемлекеттік қызмет көрсетудің нәтижесі білім туралы құжаттың телнұсқасы немесе қызмет көрсетуден бас тарту туралы дәлелді жауап болып табылады.
3. Мемлекеттік қызмет көрсету тәртібіне қойылатын талаптар
7.Мемлекеттік қызмет көрсету тәртібі туралы толық ақпарат білім беру ұйымдарының веб-сайтында орналастырылады.
8. Мемлекеттік қызметті алу үшін мемлекеттік қызметті алушылар мынадай құжаттарды ұсынады:
