«Аңшылық және балық шаруашылықтары субъектілерін дамыту жоспарының үлгі нысанын бекіту туралы» Қазақстан Республикасы Қоршаған ортаны қорғау Министрінің 2013 жылғы 16 тамыздағы № 246-ө бұйрығы (күші жойылды)

Аңшылық және балық шаруашылықтары субъектілерін дамыту жоспарының үлгі нысанын бекіту туралы
Қазақстан Республикасы Қоршаған ортаны қорғау Министрінің 2013 жылғы 16 тамыздағы № 246-ө бұйрығы

ҚР Ауыл шаруашылығы министрінің 2015 жылғы 31 наурыздағы № 18-04/287 бұйрығымен күші жойылды

Қазақстан Республикасының 2004 жылғы 9 шілдедегі «Жануарлар дүниесін қорғау, өсімін молайту және пайдалану туралы» Заңының 9-бабы 1-тармағының 18) тармақшасына сәйкес, бұйырамын:

1. Қоса беріліп отырған осы бұйрықтың 1, 2-қосымшаларына сәйкес, аңшылық және балық шаруашылықтары субъектілерінің дамыту жоспары үлгі нысандары бекітілсін.

2. Қазақстан Республикасы Ауыл шаруашылығы министрінің міндетін атқарушы 2010 жылғы 19 сәуірдегі № 276 «Аңшылық және балық шаруашылықтары субъектілерін дамыту жоспарының үлгі нысанын бекіту туралы» бұйрығының (Нормативтік құқықтық кесімдерді мемлекеттік тіркеу тізілімінде № 6232 тіркелген, 2012 жылдың 2 маусымдағы № 290-291 (27365)) «Егемен Қазақстан» газетінде жарияланған) күші жойылды деп танылсын.

3. Қазақстан Республикасы Қоршаған ортаны қорғау министрлігінің Балық шаруашылығы комитеті заңнамамен белгіленген тәртіпте осы бұйрықты Қазақстан Республикасының Әділет министрлігінде мемлекеттік тіркеуді және оның ресми жарияланғанын қамтамасыз етсін.

4. Осы бұйрықтың орындалуын бақылау Қазақстан Республикасы Қоршаған ортаны қорғау министрлігінің жетекшілік етуші вице-министріне жүктелсін.

5. Осы бұйрық алғаш рет ресми жарияланған күнiнен бастап он күнтізбелік күн өткен соң қолданысқа енгiзiледi.

Қазақстан Республикасы

Қоршаған ортаны қорғау Министрінің

2013 жылғы 16 тамыздағы

№ 246-ө бұйрығына 1- қосымша

Үлгі нысаны

Аңшылық шаруашылығы субъектісін дамыту жоспары

20___ жылға _________________________________________________

(аңшылық шаруашылығы субъектісінің атауы)