«Телекоммуникацияның әмбебап қызметтерінің тізбесін және Телекоммуникацияның әмбебап қызметтерінің құнын субсидиялау ережесін бекіту туралы» Қазақстан Республикасы Үкіметінің 2009 жылғы 31 наурыздағы № 451 қаулысына өзгерістер енгізу туралы
Қазақстан Республикасы Үкіметінің 2013 жылғы 16 қыркүйектегі № 969 Қаулысы
ҚР Үкіметінің 2017 жылғы 2 мамырдағы № 238 Қаулысымен күші жойылды
Қазақстан Республикасының Үкіметі ҚАУЛЫ ЕТЕДІ:
1. «Телекоммуникацияның әмбебап қызметтерінің тізбесін және Телекоммуникацияның әмбебап қызметтерінің құнын субсидиялау ережесін бекіту туралы» Қазақстан Республикасы Үкіметінің 2009 жылғы 31 наурыздағы № 451 қаулысына (Қазақстан Республикасының ПҮАЖ-ы, 2009 ж., № 17, 153-құжат) мынадай өзгерістер енгізілсін:
1) көрсетілген қаулымен бекітілген Телекоммуникацияның әмбебап қызметтерінің тізбесі осы қаулыға 1-қосымшаға сәйкес жаңа редакцияда жазылсын;
2) көрсетілген қаулымен бекітілген Телекоммуникацияның әмбебап қызметтерінің құнын субсидиялау ережесінде:
көрсетілген ережеге 1, 2-қосымшалар осы қаулыға 2, 3-қосымшаларға сәйкес жаңа редакцияда жазылсын.
2. Осы қаулы алғашқы ресми жарияланған күнінен бастап қолданысқа енгізіледі.
Қазақстан Республикасының Премьер-Министрі | С. Ахметов |
Қазақстан Республикасы
Үкіметінің
2013 жылғы 16 қыркүйектегі
№ 969 қаулысына
1-қосымша
Қазақстан Республикасы
Үкіметінің
2009 жылғы 31 наурыздағы
№ 451 қаулысымен
бекітілген
Телекоммуникацияның әмбебап қызметтерінің
тізбесі
Р/с № | Әмбебап қызметтердің атауы | Қолжетімділік деңгейі |
1 | 2 | 3 |
1. | Жергілікті телефон байланысы қызметтері | Елді мекендерде* жеке** және/немесе ұжымдық*** қолжетімділік ұйымы |
2. | Интернет желісіне кемінде 1024 Кбит/с қосылу жылдамдығымен жеке** сымсыз қолжетімділік қызметтері (01.01.2015 жылдан бастап кемінде 1536 Кбит/с) | Елді мекендерде*: 2013 жылы аудан орталығы мәртебесі бар және одан жоғары; 2014 жылы тұрғындар саны 3000 және одан да көп; 2015 жылға қарай барлық елді мекендерде* |
