Кейбір ұйымдарды Қазақстан Республикасы Білім және ғылым министрлігінiң қарамағына беру туралы
Қазақстан Республикасы Үкіметінің 2001 жылғы 5 ақпандағы № 186 Қаулысы
(2004.28.10. берілген өзгерістермен)
Осы редакция 2013 жылғы 5 тамызда енгізілген өзгерістеріне дейін қолданылды
Бұрынғы редакцияларды қара
Қазақстан Республикасының Үкіметі қаулы етеді:
1. 1-қосымшаға сәйкес республикалық мемлекеттік кәсiпорындар (бұдан әрi - Кәсiпорындар) Қазақстан Республикасы Білім және ғылым министрлігінiң қарамағына берiлсiн.
2. Қазақстан Республикасының Білім және ғылым министрлігі Кәсiпорындарды мемлекеттік басқару органы, сондай-ақ оларға қатысты функцияларды жүзеге асыратын мемлекеттік меншiк құқығы субъектiсiнiң органы болып белгiленсiн.
3. Қазақстан Республикасы Қаржы министрлігінiң Мемлекеттік мүлiк және жекешелендiру комитетi Қазақстан Республикасының заңнамасында белгiленген тәртiппен Қазақстан Республикасының Білім және ғылым министрлігіне «Республикалық инновациялық қор» жабық акционерлік қоғамының және «Биопрепарат», «Биомедпрепарат» ашық акционерлік қоғамдарының мемлекеттік акциялар пакеттерiне иелiк ету және пайдалану құқығын берсiн.
4. Қазақстан Республикасының Білім және ғылым министрлігі Қазақстан Республикасының заңнамасында белгiленген тәртiппен:
1) Кәсiпорындардың жарғыларын бекiтсiн және олардың әдiлет органдарында мемлекеттік қайта тiркелуiн қамтамасыз етсiн;
2) осы қаулыдан туындайтын өзге де шараларды қабылдасын.
5. Қазақстан Республикасының Білім және ғылым министрлігі «Медицинада, ауыл шаруашылығында және өнеркәсiпте биотехнология және гендiк инженерияның әдiстерiн пайдалану» республикалық мақсатты ғылыми-техникалық бағдарламасының әкiмшiсi болып белгiленсiн.
6. Қазақстан Республикасының Энергетика және минералдық ресурстар министрлігі Қазақстан Республикасының Білім және ғылым министрлігімен бiрлесiп, заңнамада белгiленген тәртiппен Қазақстан Республикасы Yкіметінiң бұрын қабылдаған шешiмдерiн осы қаулыға сәйкес келтiру жөнiнде Қазақстан Республикасының Үкіметіне ұсыныстар енгiзсiн.
