Қазақстан Республикасы Табиғи ресурстар және қоршаған ортаны қорғау министрлігінiң Орман, балық және аңшылық шаруашылығы комитетi мен оның қарауындағы жекелеген кәсiпорындардың кейбір мәселелерi
Қазақстан Республикасы Үкіметінің 2001 жылғы 26 қыркүйектегі № 1248 қаулысы
Осы редакция 2013 жылғы 5 тамызда енгізілген өзгерістеріне дейін қолданылды
Ормандар мен жануарлар дүниесiн басқаруды одан әрi оңтайландыру және оларды пайдалануға бақылауды күшейту мақсатында Қазақстан Республикасының Үкіметі қаулы етеді:
1. Қосымшаға сәйкес Қазақстан Республикасы Табиғи ресурстар және қоршаған ортаны қорғау министрлігі Орман, балық және аңшылық шаруашылығы комитетiнiң республикалық мемлекеттік кәсiпорындары (бұдан әрi - Кәсiпорындар) олардың қызметiнiң негiзгi мәнi сақталу шартымен коммуналдық меншiкке берiлсiн.
2. Табиғи ресурстар және қоршаған ортаны қорғау министрлігі Қазақстан Республикасының Қаржы министрлігімен бiрлесiп, облыстар әкiмдерiмен келісім бойынша заңнамада белгiленген тәртiппен Кәсiпорындарды қабылдау-беру жөнiнде қажетті ұйымдастыру iс-шараларын жүзеге асырсын.
3. Облыстар әкiмдерi Кәсiпорындардың мемлекеттік қайта тiркелуiн заңнамада белгiленген тәртiппен қамтамасыз етсiн және осы қаулыны іске асыру жөнiнде өзге де қажетті шараларды қабылдасын.
4. Қазақстан Республикасы Үкiметінің кейбір шешiмдерiне мынадай өзгерістер енгiзiлсiн:
1) «Республикалық мемлекеттік кәсiпорындардың тiзбесi туралы» Қазақстан Республикасы Үкіметінiң 1996 жылғы 25 маусымдағы № 790 қаулысына (Қазақстан Республикасының ПYКЖ-ы, 1996 ж., № 29, 256-құжат):
көрсетiлген қаулымен бекітілген Республикалық мемлекеттік кәсiпорындардың тiзбесiнде:
Қазақстан Республикасы Табиғи ресурстар және қоршаған ортаны қорғау министрлігінiң Орман, балық және аңшылық комитетi бөлiмiнде:
реттiк нөмiрлерi 146, 147, 148, 149, 150, 151, 153, 154, 155, 156, 157, 158, 159, 160 және 161-жолдар алынып тасталсын;
