«Халықаралық және республикалық маңызы бар сулы-батпақты жерлердің тізімдерін бекіту туралы» Қазақстан Республикасы Қоршаған ортаны қорғау министрінің 2013 жылғы 6 қыркүйектегі № 273-ө бұйрығы (күші жойылды)

Халықаралық және республикалық маңызы бар сулы-батпақты жерлердің тізімдерін бекіту туралы
Қазақстан Республикасы Қоршаған ортаны қорғау министрінің 2013 жылғы 6 қыркүйектегі № 273-ө бұйрығы

ҚР Ауыл шаруашылығы министрінің 2015 жылғы 24 сәуірдегі № 18-03/369 бұйрығымен күші жойылды

«Жануарлар дүниесін қорғау, өсімін молайту және пайдалану туралы» Қазақстан Республикасының 2004 жылғы 9 шілдедегі Заңының 9-бабының 25) тармақшасына сәйкес БҰЙЫРАМЫН:

1. Осы бұйрықтың 1 және 2-қосымшаларына сәйкес қоса беріліп отырған Халықаралық және республикалық маңызы бар сулы-батпақты жерлердің тізімдері бекітілсін.

2. «Халықаралық және республикалық маңызы бар сулы-батпақты жерлердің тізімдерін бекіту туралы» Қазақстан Республикасы Ауыл шаруашылығы министрінің 2010 жылғы 26 сәуірдегі № 292 бұйрығы күшін жойды деп танылсын (Нормативтік құқықтық актілерді мемлекеттік тіркеудің тізілімінде № 6249 болып тіркелген, 2010 жылғы 25 қарашадағы № 15 «Қазақстан Республикасы орталық атқарушы және өзге орталық мемлекеттік органдары актілерінің жинағында» жарияланған).

3. Қазақстан Республикасы Қоршаған ортаны қорғау министрлігінің Орман және аңшылық шаруашылығы комитеті:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрықтың ресми жариялануын қамтамасыз етсін.

4. Осы бұйрықтың орындалуын бақылау Қазақстан Республикасы Қоршаған ортаны қорғау вице-министрі Ерлан Нұралыұлы Нысанбаевқа жүктелсін.

5. Осы бұйрық ол алғаш ресми жарияланған күнінен кейін он күнтізбелік күн өткен соң қолданысқа енгізіледі.

Қазақстан Республикасы

Қоршаған ортаны қорғау

министрінің

2013 жылғы 6 қыркүйектегі

№ 273-ө бұйрығына

1-қосымша

Халықаралық маңызы бар сулы-батпақты жерлердің тізімі