Асыл тұқымды мал шаруашылығы жөніндегі мемлекеттік инспекторлар туралы ережені бекіту туралы
Қазақстан Республикасы Ауыл шаруашылығы министрінің 2013 жылғы 6 қарашадағы № 3-3/549 бұйрығы
(2022.11.12. берілген өзгерістермен)
ҚР Ауыл шаруашылығы министрінің 2022.25.11. № 388 бұйрығымен тақырыбы жаңа редакцияда (2022 ж. 11 желтоқсаннан бастап күшіне енді) (бұр.ред.қара)
«Асыл тұқымды мал шаруашылығы туралы» 1998 жылғы 9 шілдедегі Қазақстан Республикасы Заңының 13-бабының 10) тармақшасына сәйкес БҰЙЫРАМЫН:
ҚР Ауыл шаруашылығы министрінің 2022.25.11. № 388 бұйрығымен 1-тармақ жаңа редакцияда (2022 ж. 11 желтоқсаннан бастап күшіне енді) (бұр.ред.қара)
1. Қоса беріліп отырған Асыл тұқымды мал шаруашылығы жөніндегі мемлекеттік инспекторлар туралы ереже бекітілсін.
2. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.
3. Осы бұйрық қол қойылған күнінен бастап күшіне енеді.
Қазақстан Республикасы
Ауыл шаруашылығы министрінің
2013 жылғы 6 қарашадағы
№ 3-3/549 бұйрығымен
бекітілген
ҚР Ауыл шаруашылығы министрінің 2022.25.11. № 388 бұйрығымен тақырыбы жаңа редакцияда (2022 ж. 11 желтоқсаннан бастап күшіне енді) (бұр.ред.қара)
Асыл тұқымды мал шаруашылығы жөніндегі мемлекеттік инспекторлар туралы
ереже
1. Жалпы ережелер
ҚР Ауыл шаруашылығы министрінің 2022.25.11. № 388 бұйрығымен 1-тармақ жаңа редакцияда (2022 ж. 11 желтоқсаннан бастап күшіне енді) (бұр.ред.қара)
1. Осы Асыл тұқымды мал шаруашылығы жөніндегі мемлекеттік инспекторлар туралы ереже (бұдан әрі - Ереже) «Асыл тұқымды мал шаруашылығы туралы» 1998 жылғы 9 шілдедегі Қазақстан Республикасы Заңының (бұдан әрі - Заң) 13-бабы 10) тармақшасына сәйкес әзірленген және Қазақстан Республикасының асыл тұқымды мал шаруашылығы жөніндегі Бас мемлекеттік инспектордың және асыл тұқымды мал шаруашылығы жөніндегі мемлекеттік инспекторлардың құқықтық мәртебесін айқындайды.
